برنس روڈ سے حج کے نام پر رقم بٹورنے والے ٹریول ایجنٹ گرفتار

کراچی(الرٹ نیوز) ایف آئی اے نے برنس روڈ سے رواں سال حج کے نام پر رقم بٹورنے والے ٹریول ایجنٹ کو گرفتار کر لیا ۔درجنوں شکایات پر ایف آئی اے ہیومن ٹریفکنگ سیل کی کارروائی عمل میں لائی گئی ۔متاثرہ افراد نے اپنی رقم واپس خاصل کرنے کیلئے ایف آئی اے سے رابطہ کرنا شروع کر دیا ہے ۔الرٹ نیوز ذرائع کے مطابق ایف آئی اے ہیومن ٹریفکنگ سیل کے افسران نے بدھ کی شام کراچی برنس روڈ پر ایک ٹریول ایجنٹ کے دفتر پر چھاپہ مارا جہاں سے ٹریول ایجنٹ کو گرفتار کر لیا گیا ۔ ملزم کے بارے میں ایف آئی اے کو درجنوں درخواستیں موصول ہوئی تھیں کہ ملزم نے رواں برس حج کے نام پر شہریوں سے پیسے بٹورے تھے جبکہ اس کے پاس حج کوٹہ بھی نہیں تھا ۔تاہم اب شہریوں کو ابھی تک حج کے ویزے فراہم نہیں کیئے جس پر ایف آئی اے کارروائی کرتے ہوئے ٹریول ایجنٹ کو گرفتار کیا ہے تاہم دفتری امور میں گرفتاری کو جمعرات کی صبح ظاہر کیا گیا ہے ۔جس کے بعد مذید شہریوں کی جانب سے بھی مذکورہ ایجنٹ سے پیسے واپس لینے کے لیئے ایف آئی اے حکام سے رابطے کیئے جانے لگے ہیں ۔واضح رہے کہ رواں برس حاجیوں کو لوٹنے کا یہ پہلا کیس سامنے آیا ہے

Comments: 0

Your email address will not be published. Required fields are marked with *