موجودہ انتظامیہ نے وفاقی جامعہ اردو کو کھیل بنا لیا

کراچی : موجودہ انتظامیہ نے وفاقی جامعہ اردو کا مذاق بنا دیا ہے ۔ 21 ستمبر 2023 کو سینڈیکیٹ کا 47 اجلاس منعقد کیا گیا تھا اور اب 4 جنوری 2024 کو سینڈیکیٹ کا دوبارہ 47 ویں اجلاس کا انعقاد کیا جا رہا ہے، اس ہی طرح 5 اکتوبر 2024 کو اکیڈمک کاؤنسل کا 39 اجلاس منعقد کیا گیا تھا اور 3 جنوری 2024 کو اکیڈمک کاؤنسل کا 39 ویں اجلاس کا انعقاد کیا جارہا ہے۔

موجودہ انتظامیہ ان اجلاسوں میں کئے گئے فیصلوں کو منسوخ کرنے کے متعدد خطوط جاری کر چکی ہے اور ان ہی نمبروں کے اجلاس کرنے کا مقصد مستقبل میں وفاقی جامعہ اردو کو مزید بحران میں دھکیلنا اور اپنے مذموم مقاصد اور ناجائز اقتدار کو طول دینا ہے۔

اطلاعات کے مطابق شدید مالی بحران کے باوجود موجودہ انتظامیہ 4 جنوری کو ہونے والی سینڈیکیٹ میں آفیسرز کے ٹائم پے اسکیل کو لاگو کرنے جا رہی ہے جس سے جامعہ اردو کا مالی بحران مزید شدت اختیار کر جائے گا ۔

یاد رہے کہ جامعہ کے ملازمین گزشتہ دو ماہ کی ہاؤس سیلنگ و گزشتہ ماہ کی 60 فیصد تنخواہوں کے بھی منتظر ہیں۔