کیا کامیابی کے لیے صرف موٹیویشن ہی کافی ہے؟

موٹیویشن (Motivation) ایک اندرونی جذبہ ہے جو ہمیں کسی مقصد کو حاصل کرنے کی طرف راغب کرتا ہے۔ یہ وہ وقتی جوش اور جذبہ ہے جو ہمیں اٹھنے، آگے بڑھنے اور کوئی کام شروع کرنے پر مجبور کرتا ہے۔ جیسے جب آپ کوئی موٹیویشنل ویڈیو دیکھتے ہیں یا کوئی متاثر کن تقریر سنتے ہیں تو آپ کے اندر جوش پیدا ہوتا ہے، اور آپ فوری طور پر کچھ کرنے کا ارادہ کر لیتے ہیں۔ لیکن سوال یہ ہے کہ کیا موٹیویشن کافی ہے؟ کیا یہ ہمیں ہمیشہ کامیابی کی طرف لے جاتی ہے؟

اس کے لیے آپکو موٹیویشن کو سمجھنا ہوگا.

موٹیویشن کی دو اہم اقسام ہیں:

1. اندرونی موٹیویشن (Intrinsic Motivation): یہ وہ جذبہ ہے جو آپ کی اپنی ذات سے پیدا ہوتا ہے، جیسے اپنی قابلیت بڑھانا، کوئی نئی صلاحیت سیکھنا، یا اپنے خوابوں کو حقیقت میں بدلنے کا عزم۔

2. بیرونی موٹیویشن (Extrinsic Motivation): یہ وہ موٹیویشن ہے جو باہر سے ملتی ہے، جیسے انعام، تعریف، یا پروموشن

حاصل کرنے کی خواہش۔

اندرونی موٹیویشن Intrinsic Motivation کی مثال یہ ہو سکتی ہے کہ کوئی شخص اپنی ترقی کے لیے محنت کر رہا ہو، جیسے ایک طالب علم جو اپنی تعلیم میں کامیابی حاصل کرنے کے لیے دن رات محنت کرتا ہے۔

بیرونی موٹیویشن Extrinsic Motivation کی مثال وہ شخص ہے جو اپنی نوکری میں ترقی یا مالی فائدے کے لیے محنت کرتا ہے۔

موٹیویشن کی سائیکالوجی (Psychology of Motivation)

موٹیویشن ہمارے دماغ کے دو اہم حصوں پر منحصر ہے: ڈوپامین (Dopamine) اور امیگڈالا (Amygdala)۔ ڈوپامین ایک ایسا کیمیکل ہے جو خوشی اور انعام یا سُکون کے احساسات پیدا کرتا ہے، اور یہ ہمیں کسی کام کے بعد انعام کی توقع میں محنت کرنے کی تحریک دیتا ہے۔ جبکہ امیگڈالا ہمیں فوری اور شدید ردعمل دینے میں مدد کرتا ہے، جیسے آپ کو کسی موٹیویشنل تقریر کے بعد عارضی جوش ملتا ہے۔

لیکن موٹیویشن کا مسئلہ کیا ہے؟

موٹیویشن وقتی ہوتی ہے اور اس کا اثر عموماً محدود وقت کے لیے ہوتا ہے۔ جیسے زیگ زیگلر نے کہا:

People often say that motivation doesn’t last. Well, neither does bathing – that’s why we recommend it daily.

موٹیویشن آپ کو اٹھنے اور کچھ کرنے پر آمادہ تو کر دیتی ہے، لیکن یہ ہمیشہ قائم نہیں رہتی کیونکہ یہ جذباتی توانائی پر مبنی ہوتی ہے۔اس لیے آپکو روزانہ اس کی ضرورت ہوتی ہے اور ایک ایسے Source کی ضرورت ہوتی ہے جو آپکو مستقل طور پر Motivated رکھے.

انسپائریشن کی ضرورت: وژن کے ساتھ لمبی دوڑ

موٹیویشن کے ساتھ ساتھ ہمیں انسپائریشن (Inspiration) کی ضرورت ہوتی ہے تاکہ ہم اپنے مقصد پر طویل عرصے تک قائم رہ سکیں۔

انسپائریشن کیا ہے؟

انسپائریشن وہ اندرونی طاقت ہے جو آپ کو مستقل طور پر Motivation دیتی ہے۔ یہ آپ کی زندگی کے بڑے وژن سے جڑی ہوتی ہے اور آپ کو یہ احساس دلاتی ہے کہ آپ کا کام صرف آج تک محدود نہیں بلکہ ایک بڑا مقصد حاصل کرنے کے لیے ہے۔ انسپائریشن آپ کو اس وقت بھی آگے بڑھاتی ہے جب موٹیویشن ختم ہو جاتی ہے۔

انسپائریشن کی سائیکالوجی (Psychology of Inspiration)

انسپائریشن کا تعلق زیادہ گہرے جذبات اور طویل مدتی اہداف Longterm Goals سے ہوتا ہے۔ جب آپ کے ذہن میں کوئی بڑا مقصد ہوتا ہے، تو دماغ کا پری فرنٹل کورٹیکس (Prefrontal Cortex) ایکٹو ہو جاتا ہے جو منصوبہ بندی، مقصد طے کرنے، اور خود پر قابو پانے میں مدد کرتا ہے۔ اس کا مطلب ہے کہ آپ وقتی جوش سے نہیں بلکہ ایک طویل مدتی وژن Longterm Vision کے ساتھ چل رہے ہوتے ہیں، جو آپ کو مشکلات میں بھی ہار ماننے سے بچاتا ہے۔

فرض کریں ایک شخص کا مقصد غریب بچوں کو تعلیم دینا ہے۔ یہ اس کا اندرونی جذبہ ہے جو اسے ہر دن نئے چیلنجز کے باوجود آگے بڑھنے پر مجبور کرتا ہے۔ یہ انسپائریشن اسے نہ صرف آج بلکہ لمبے عرصے تک Motivated رکھتی ہے۔

انسپائریشن کو کیسے برقرار رکھا جائے؟

1. ایک بڑا وژن قائم کریں:

انسپائریشن کو زندہ رکھنے کے لیے ضروری ہے کہ آپ کے پاس ایک بڑا وژن ہو۔ چاہے آپ طالب علم ہیں، نوکری کر رہے ہیں، یا ایک انٹرپرینیور ہیں، آپ کو ایک مقصد کی ضرورت ہے۔ یہ وژن آپ کو روزمرہ کی مشکلات سے بچاتا ہے اور آپ کو زندگی میں ایک راستہ فراہم کرتا ہے۔

2. مثبت لوگوں کے ساتھ وقت گزاریں:

ایسے لوگوں کے ساتھ رہیں جو آپ کو انسپائر کرتے ہیں اور آپ کو اپنے مقصد کی یاد دہانی کراتے ہیں۔ یہ وہ لوگ ہیں جو آپ کو چیلنج کرنے، سیکھنے اور بڑھنے میں مدد دیتے ہیں۔

3. اپنے سفر کا جائزہ لیں:

کبھی کبھی، ہمیں یہ سمجھنا پڑتا ہے کہ ہم کہاں سے کہاں پہنچ چکے ہیں۔ جب آپ اپنی کامیابیوں کو یاد کریں گے، تو یہ آپ کو مستقبل کی طرف دیکھنے میں مدد کرے گی اور آپ کو مزید انسپائر کرے گی۔

4. رول ماڈلز کا تعین کریں:

آپ کو اپنے فیلڈ میں رول ماڈلز (Role Models) کی ضرورت ہوتی ہے۔ وہ لوگ جو آپ کے وژن سے ملتے جلتے ہیں اور جنہوں نے پہلے ہی کامیابی حاصل کی ہے۔ ان کے تجربات اور سفر سے آپ کو نہ صرف رہنمائی ملتی ہے بلکہ انسپائریشن بھی۔

موٹیویشن آپ کو ابتدا دینے کے لیے ہے، لیکن انسپائریشن آپ کو لمبے عرصے تک اپنے مقصد پر قائم رکھتی ہے۔ اگر آپ زندگی میں کچھ بڑا کرنا چاہتے ہیں، تو موٹیویشن اور انسپائریشن دونوں کا توازن ضروری ہے۔ موٹیویشن آپ کو اٹھنے میں مدد دے گی، لیکن انسپائریشن آپ کو اپنی منزل تک پہنچنے کے لیے طاقت دے گی۔

چاہے آپ طالب علم ہیں، ملازم، یا انٹرپرینیور، آپ کو ایک وژن، انسپائریشن اور موٹیویشن کا Combination چاہیے تاکہ آپ نہ صرف آج بلکہ پوری زندگی کامیاب رہ سکیں۔ یاد رکھیں، موٹیویشن آپ کو آغاز دیتی ہے، لیکن انسپائریشن آپ کو دیرپا کامیابی تک پہنچاتی ہے۔

تو آج سے ہی اپنا ایک Vision بنائیں اور اس پر عمل کرنا شروع کریں تاکہ آپ مستقل طور پر آگے بڑھتے رہیں اور وہ بنیں جو آپ بننا چاہتے ہیں.