کیا آپ اپنا "وائلن” صحیح جگہ بجا رہے ہیں؟

وائلن پلیئر Joshua Bell کا شمار دنیا کے مشہور ترین Violin پلیئرز میں ہوتا ہے۔ انہوں نے چالیس سال تک Violin کی پریکٹس کی اور ایک ایسی مہارت حاصل کی جس نے Joshua کو دنیا کا ایک بہترین فنکار بنا دیا۔ اس بات کا اندازہ اس بات سے لگائیں کہ جنوری 2023 میں ان کے کنسرٹ کی ایک ٹکٹ 336 ڈالر تھی اور سب کنسرٹ سے کئی ہفتے پہلے ہی فروخت ہوچکی تھی اور یہ وہ آرٹسٹ ہے جس کے ہر کنسرٹ کے لیے لوگ مہینوں پہلے ٹکٹ بک کر لیتے ہیں۔ ان کا فن وہ ہے جس کے لیے لوگ ہزاروں روپے دینے کو تیار ہیں، اور Joshua Bell ہر منٹ میں کم سے کم ایک ہزار ڈالر کما لیتے ہیں۔

اسی آرٹسٹ نے ایک روز ایک منفرد تجربہ کرنے کا فیصلہ کیا۔ انہوں نے سوچا کہ اگر وہ ایک مصروف Subway میں Violin بجائیں تو کیا لوگوں کا ردعمل وہی ہوگا جو ان کے کنسرٹ میں ہوتا ہے؟ انہوں نے عام آدمی کا روپ دھارا اور Subway میں 45 منٹ تک Violin بجاتے رہے۔ وہ امید کر رہے تھے کہ لوگ رکیں گے، ان کی موسیقی کو سنیں گے، اور شاید ان کی قدر کریں گے۔

لیکن ہوا اس کے برعکس۔ پورے 45 منٹ میں صرف چند لوگوں نے توجہ دی، اور Joshua Bell کو صرف 32 ڈالر ٹپ کے طور پر ملے۔ ان میں سے بھی 20 ڈالر ایک شخص نے دیے جس نے Bell کو پہچان لیا۔ وہی Joshua Bell جس کے کنسرٹ کے لیے لوگ سینکڑوں ڈالر دینے کو تیار ہوتے ہیں، Subway میں وہی فن پیش کرتے ہوئے لوگوں کی توجہ حاصل نہیں کر پایا۔

اب ایسا کیوں ہوا کہ اتنے بڑے آرٹسٹ کو کسی نے سُنا ہی نہیں اور نہ ان کو سراہا؟

وجہ بہت سادہ سی ہے کہ وہ وائلن ایسی جگہ بجا رہے تھے جہاں اُس کی قدر نہیں تھی اور نہ اُن کی دُھن کو سمجھنے والا کوئی تھا. وہ اُسی محنت اور Passion سے ہی بجارہے تھے جیسے وہ ایک کنسرٹ میں بجاتے ہیں لیکن جگہ غلط تھی تو نتیجہ بھی غلط آیا.

دوستو، دیکھا جائے تو ہم بھی تو اپنی زندگی میں اکثر ایسا کررہے ہوتے ہیں اور پوری زندگی ہی ایسے گزاردیتے ہیں. فرق صرف اتنا ہے کہ Joshua Bell نے یہ سب ایک تجربے کے طور پر کیا اور ہم زندگی ہی ایسے گزارتے ہیں.

ہم بھی اپنی زندگی میں اکثر غلط جگہ "وائلن” بجاتے رہتے ہیں۔ ہم ایسے لوگوں اور ایسی جگہوں پر اپنی محنت، ہنر، اور جذبات پیش کرتے ہیں جہاں ان کی اہمیت نہیں ہوتی، جہاں لوگ اس کو سمجھتے نہیں یا اس کی قدر نہیں کرتے۔ ہم اپنی نوکریوں، تعلقات اور دیگر مواقع پر اپنی بہترین صلاحیتوں کو صرف کرتے ہیں، مگر پھر بھی اس کا نتیجہ ہمیں صفر میں ملتا ہے کیونکہ یہ وہ جگہ ہی نہیں ہوتی جہاں ہمیں ہونا چاہیے.

میں اپنی بھی بات کروں تو میں بھی کئی سالوں تک اپنے ہنر کو ایسی جگہوں پر پیش کرتا رہا جہاں لوگ اس کی قدر نہیں کرتے تھے۔ لیکن جب میں نے اپنی سمت بدلی اور اپنی محنت اور وقت کو صحیح جگہ پر لگانا شروع کیا، تو اس کی قدر بھی ہونے لگی۔

اگر آپ بھی محسوس کر رہے ہیں کہ آپ کی محنت، آپ کا ہنر، اور آپ کے جذبات کی قدر نہیں کی جا رہی تو اس کا مطلب ہے کہ شاید آپ بھی اپنا "وائلن” غلط جگہ بجا رہے ہیں۔ اپنی مہارت، خواب، اور جذبات کو وہاں لگائیں جہاں ان کی قدر ہو، ورنہ وہی بے قدری ہوتی رہے گی جو Subway میں Joshua Bell کے ساتھ ہوئی۔

کیسے جانیں کہ آپ صحیح جگہ اور صحیح کام کر رہے ہیں؟

یہ سوال کہ کیا آپ اپنی محنت اور صلاحیت کو صحیح جگہ پر استعمال کر رہے ہیں، زندگی کا اہم ترین سوال ہے۔ اسے جانچنے کے لیے آپ کو چند علامات پر غور کرنا چاہیے:

1. جہاں آپکی قدر ہو: اگر آپ جس جگہ کام کر رہے ہیں یا جن لوگوں کے ساتھ ہیں، وہ آپ کی محنت، ہنر، اور آپ کے جذبات کو سراہتے ہیں، تو آپ صحیح جگہ پر ہیں۔ اگر آپ کو اپنی محنت کے لیے قدردانی نہیں مل رہی، تو شاید یہ وقت ہے کہ آپ اپنی جگہ بدلیں۔

2. جہاں آپکی محنت کا نتیجہ ملے: وہ جگہ جہاں آپ کا ہنر یا محنت واقعی تبدیلی لاتی ہے، وہاں آپ کی محنت کا حقیقی اثر دکھائی دیتا ہے۔ اگر آپ محسوس کرتے ہیں کہ آپ کی محنت ضائع ہو رہی ہے اور اس سے کوئی مثبت نتیجہ نہیں نکل رہا، تو یہ بھی ایک اشارہ ہے کہ آپ غلط جگہ پر ہیں۔

3. ایسے رشتے یا تعلق جہاں آپکی قدر ہو: جہاں آپ کے آس پاس کے لوگ آپ کی موجودگی کی قدر کریں، آپ کے ساتھ بہتر رشتے بنائیں، اور آپ کو اپنے خوابوں کی تکمیل کے لیے سپورٹ کریں، وہاں آپ خود کو خوش اور مطمئن محسوس کریں گے اور یہی وہ رشتے ہیں جن ہر آپکو فوکس کرنا چاہیے. اگر تعلقات میں بے قدری یا توجہ کی کمی محسوس ہو، تو شاید یہ جگہ یا لوگ آپ کے لیے نہیں۔

4. جہاں آپکی حوصلہ افزائی ہو: آپ صحیح جگہ پر ہوں گے اگر آپ کو ہر صبح ایک نئی امید ملتی ہے کہ آپ کچھ بڑا کرنے جا رہے ہیں۔ اگر روزانہ کام پر جاتے ہوئے بوجھ یا مایوسی محسوس ہو، تو یہ وقت ہے اپنی زندگی میں تبدیلی لانے کا۔

مختصراً یہ کہ اپنے "وائلن” کو صحیح جگہ پر بجائیں، وہیں محنت کریں جہاں آپ کے خوابوں کی قدر ہو اور جہاں آپ کی صلاحیتوں کا صحیح استعمال ہو۔ زندگی کو بہترین انداز میں گزارنے کا یہی راز ہے کہ آپ اپنی محنت، وقت، اور ہنر کو صحیح جگہ پر لگائیں۔

اگر آپکو اس پوسٹ سے کچھ سیکھنے کو ملا یا پسند آئی تو اسے دوسروں کے ساتھ بھی شیئر کریں. آپکے رسپانس سے مجھے بھی اندازہ ہوگا کہ کیا میں اپنا "وائلن” صحیح جگہ بجارہا ہوں؟