سعودی عرب میں ایک روز قبل 4 پاکستانی نوجوانوں کا ایکسیڈنٹ ہوا ہے جن سے ملنے والے پاسپورٹ سے ان کی شناخت کی گئی ہے ،تاحال فوت اور زخمی ہونے والے نوجوانوں کے ورثا کی تلاش جاری ہے .
الرٹ کو موصول ہونے والے پارسپورٹ کی تصاویر کے مطابق نواجوانوں کا تعلق میمن برادری ہے اور ان کی رہائش کراچی اور سکھر سے بتائی جاتی ہے ، ان نواجون میں محمد عمران بن محمد ندیم کی تاریخ پیدائش 6اپریل 1978 ہے ،اس کا پاسپورٹ نمبرجی 31227931 ہے ، اس کا تعلق کراچی سے ہے . محمد عمران کے شناختی کارڈ کے مطابق اس کا ایڈریس کراچی کے ضلع وسطی کے علاقے فیڈریل بی ایریا کا ہے .
دوسرے نام محمد رضوان میمن بن محمد فاروق میمن ہے جس کی تاریخ پیدائش 28مارچ 1984 ہے جب کہ اس کا پاسپورٹ نمبر اے جے 0202683 ہے ، اس کا تعلق سکھر سے ہے .محمد رضوان سکھر مرچ بازار کے قریب محلے کا رہائشی بتایا جاتا ہے .
تیسرے جوان محمد علی بن عبدالرزاق ہے جس کی تاریخ پیدائش 10 مئی 1972 ہے ،جس کا پاسپورٹ نمبر ایکس این 1811231 ہے اس کیا تعلق کراچی سے ہے . محمد علی کراچی کےعلاقے نارتھ ، سیکٹر الیون سی کے محلہ سعید ٹاون میں رہائش پذیر تھا .
چوتھے جوان کا نام محمد سلمان ولد حاجی محمد یونس میمن ہے ،جس کی تاریخ پیدائش 20 جنوری 1996 ہے ،جس کا پاسپورٹ نمبر ایچ اے 57522171 ہے .اس کا تعلق سکھر سے ہے .
مذکورہ نوجوانوں کا سوشل میڈیا پر وائرل ہونے والے پاسپورٹ کے عکس کے ساتھ مختصر تحریر میں لکھا گیا ہے ان 4 پاکستان نواجونوں کا روڈ ایکسیڈنٹ ہوا ہے اور ان میں سے 3 نوجوان جابحق ہو گئے ہیں جبکہ ایک کی حالت تشویشناک ہے جس کو اسپتال منتقل کیا گیا ہے تاہم ان کے بارے میں کسی کو بھی معلوم ہو تو وہ ایمبیسی اور اپنے دیگر ذرائع کو استعمال کرکے ان تک پہنچ سکتا ہے .
