قوم کی بیٹی ڈاکٹرعافیہ 15 سالوں سے” یوم آزادی“کی منتظر ہے۔

کراچی (الرٹ نیوز)قوم کی بیٹی ڈاکٹر عافیہ کی ہمشیرہ اور عافیہ موومنٹ کی رہنما ڈاکٹر فوزیہ صدیقی نے پوری قوم کو”یوم آزادی “ کی مبارکباد دیتے ہوئے کہا ہے کہ عافیہ کی فیملی پاکستان کی ترقی، خوشحالی، استحکام اور امن کیلئے دعاگوہے۔ عافیہ موومنٹ میڈیا انفارمیشن سیل سے جاری کردہ بیان میں انہوں نے کہا کہ پاکستان کی بنیادوں میں لاکھوں شہیدوں کا خون شامل ہے۔ قیام پاکستان کے مقاصد حاصل کرنے کیلئے قائد کے وژن کو اپنانا ہوگا۔یوم آزادی سے ایک دن قبل نو منتخب پارلیمنٹ قائم ہوگئی ہےاور پاکستان کی بیٹی امریکی جیل میں سسک رہی ہے اور وہ اپنے دین کو بچانے کیلئے غیرانسانی تشدد برداشت کررہی ہے۔15 سال کی غیرقانونی حراست اورانسانیت سوز تشدد کے باوجود عافیہ نے رہائی کیلئے اپنے ملک اور عوام پراعتماد کا اظہار کیا ہے ۔ یہ تیسری پارلیمنٹ ہے جس کے نمائندوں کو یاد دہانی کرارہے ہیں کہ قوم کی بیٹی ڈاکٹر عافیہ 15 سالوں سے ” یوم آزادی“کی منتظر ہے۔

Comments: 0

Your email address will not be published. Required fields are marked with *