کراچی : قائم مقام شیخ الجامعہ وفاقی اردو یونیورسٹی برائے فنون ، سائنس و ٹیکنالوجی کراچی نے ڈاکٹر سید شہاب الدین کو یکم فروری 2024 سے انچارج شعبہ بین الاقوامی تعلقات مقرر کر دیا ہے۔
سابق سربراہ کی مدت مکمل ہونے کے بعدیہ تقرری قائم مقام رجسٹرار کے دفتری حکم سے کی گئی ہے۔ڈاکٹر سید شہاب الدین، 12سال سے شعبہ میں تدریسی ام ور انجام دے رہے ہیں ۔
جامعہ اردو سے بین الاقوامی تعلقات کے مضمون میں پہلے پی ایچ ڈی بھی ہیں ۔ بین الاقوامی تحقیقی جرائد میں ان کے 50 سے زائد مقالوں کے علاوہ انکی تصنیف کردہ 5 کتب اب تک شائع ہو چکی ہیں۔
ڈاکٹر شہاب 2 بین الاقوامی تحقیقی مجلوں کے مدیر بھی ہیں۔ جنوبی ایشیا ، مشرقی ایشیا کے سیاسی و خارجہ امور پر گہری نظر رکھتے ہیں ۔ ڈاکٹر شہاب کئی قومی و بین الاقوامی تحقیقی سوسائٹیز کے بھی رکن ہیں ۔