رپورٹ : اختر شیخ
جامعہ اردو کے سینیٹ کا 40 واں اجلاس کل دس دسمبرکو گورنر ہاؤس کراچی میں منعقد ہو گا۔سینیٹ کے اجلاس کی صدارت چانسلر ڈاکٹر عارف محمود علوی اسلام آباد سے ویڈیو لنک کے ذریعے کریں گے۔سینیٹ کے اجلاس کا واحد ایجنڈا جامعہ میں قائم مقام وائس چانسلر کا تقررکیا جانا ہے۔
جامعہ اردو کے اب تک تین قائم مقام وائس چانسلر گذرے ہیں جن میں پروفیسر ڈاکٹر محمد قیصر کو 11 مارچ سے 2015 سے 12 اگست 2015 تک رہے ہیں۔ پروفیسر ڈاکٹر سلمان ڈی محمد 12 اگست 2015 سے 14 ستمبر 2017 تک رہے جس کے بعد پروفیسر ڈاکٹر سید الطاف حسین 7 ستمبر 2017 سے 23 اکتوبر 2019 قائم مقام کی ہی حیثیت سے وائس چانسلر رہے ہیں کیوں کہ ان کی مستقل تقرری کالعدم قراردی گئی تھی۔
جامعہ اردو کے نئے سینیٹر ز کے تقرر کے لئے پینل کی صورت میں نام28ستمبر کو ایوان صدر کوبھیجئے گئے تھے جن میں پینل نمبر ایک پروفیسر خالد محمد خان،ظفر محمود،شکیل الرحمن اور دوسرے پینل میں طارق رفیع،عزیز لطیف جمال،عبدالقیوم خلیل،پینل نمبر ڈاکٹر سفیر احمد،ڈاکٹر ریاض شیخ،ڈاکٹر توصیف احمد خان اور پینل نمبر تین میں ڈاکٹر زاہدہ بقائی،صادقہ صلاح الدین اور ڈاکٹر صفیہ احمد کے علاوہ اساتذہ نمائندوں کے پینل نمبر ایک میں ڈاکٹر اصغر دشتی،ڈاکٹر فیصل جاوید اورعرفان عزیزجبکہ پینل نمبر دو میں ڈاکٹر سید طاہر علی،ڈاکٹر کوثر یاسمین اور ڈاکٹر ساجد جہانگیز اور ڈاکٹر واجد جواد کے نام شامل تھے۔
ایوان صدر کی جانب سے ان میں سے انجمن ترقی اردو کے چیئرمین واجد جواد،سنو وائٹ ڈرائی کلینرکے منیجنگ ڈائریکٹر شکیل الرحمن،عبدالقیوم خلیل،انڈس ریورس سینٹر کی صادقہ صلاح الدین،سابق صدر شعبہ ڈاکٹر توصیف احمد خان،محمد اقبال خان،ڈاکٹر سید جعفر احمد،پروفیسر ڈاکٹر معین الدین عقیل،شعبہ ابلاغ عامہ کے ایسوسی ایٹ پروفیسر ڈاکٹر محمد عرفان،کیمسٹری ڈیپارٹمنٹ کے اسسٹنٹ پروفیسر ڈاکٹر سید طاہر علی شامل ہیں۔مذکورہ سینیٹرز سینیٹ کے چالیسویں اجلاس میں شریک ہوں گے۔
