کسٹم کلیکٹریٹ اپریذمنٹ نے 3 کروڑ کا نقصان دینے والی 3 کمپینیوں کے خلاف مقدمہ درج کرلیا

رپورٹ : ملک صفدر اعوان

کسٹم کلکٹریٹ اپریزمنٹ ایسٹ کے شعبہ آر اینڈ ڈی نے مس ڈیکلئریشن اور انڈر انوئسنگ کے ذریعے قومی خزانے کو ٹیکس اور ڈیوٹی چوری کی مد میں تین کروڑ سے زائد کا نقصان پہچانے پر تین درآمد کنندگان کے خلاف علیحدہ علیحدہ مقدمات درج کرلئے ،ملزمان کی گرفتاری عمل میں نہیں لائی جاسکی ۔

الرٹ نیوز ذرائع کے مطابق ماڈل کسٹم کلکٹریٹ اپریزمنٹ ایسٹ نے خفیہ اطلاع پر انڈر انوئسنگ اور مس ڈیکلئریشن کے زریعے ساوتھ ایشیا پاکستان ٹرمینل (ایس اے پی ٹی) سے کلیئر ہونے والی کنسائمنٹ کو روک کر جوائنٹ انوسٹی گیشن ٹیم کے ذریعے دوبارہ ایگزامینشن کی جس میں درآمد کنندگان اور کلیئرنگ ایجنٹ کی ملی بھگت سے قومی خزانے کو نقصان پہچانے کی کوشش کو نا کام بنا دیا گیا ۔

کسٹم ذرائع کا کہنا ہے کہ کسٹم کلکٹریٹ اپریزمنٹ ایسٹ کے ڈی سی رانا ارسلان کی نگرانی میں شعبہ آر اینڈ ڈی کے پرنسپل اپریزر ابراہیم خان ، پرینٹیو افسر ملک ہاشم سمیت دیگر نے ٹرمینل پر موجود کنسائمنٹ میں ایل ای ڈی لائٹس وپرزہ جات کی کنسائمنٹ کی جانچ پڑتال کے دوران ڈیوٹی وٹیکس چوری کو سامنے لے آئے ۔

کسٹم ذرائع کا کہنا ہے کہ درآمدکنندگان کی جانب سے درآمدکئے جانے والے ایل ای ڈی لائٹس کے تین کنسائمنٹس کی گڈزڈیکلریشن ایک ہی کلیئرنگ ایجنٹ میسرزمایوانٹرپرائززکی جانب سے جمع کرائی گئی تھی ، تاہم کنسائمنٹس کی جانچ پڑتال کے دوران معلوم ہوا کہ میسرز رانا انٹرپرائزز، میسرزعلیم انٹرپرائززاور میسرزلائبا ٹریڈرزکی جانب سے تینوں کنسائمنٹ میں کلیئرنگ ایجنٹ کی مدد سے کنسائمنٹ میں موجود سامان کی مالیت اور تعداد کو کم ظاہر کیا اور انڈر انوئسنگ کے ذریعے ٹیکس ڈیوٹی چوری کرنے کی کوشش کی گئی۔

کسٹم ذرائع کا کہنا ہے کہ تینوں مقدمات میں مجموعی طور پرتین کروڑ سے زائد ٹیکس و ڈیوٹی چوری کرنے کی کوشش کی گئی جس پر کسٹم اپریزمنٹ ایسٹ کے شعبے آر اینڈ ڈی نے تینوں مقدمات میں کلیئرنگ ایجنٹ کے ساتھ درآمد کنندہ میسرزراناانٹرپرائززکی مالک حنا انتظار، میسرزلائباٹریڈنگ کے مالک محمدعثمان اورمیسرزعلیم انٹرپرائززکے مالک محمدعلیم ، محمداشرف، ذیشان لیاقت کو نامزد کردیا ہے ۔کسٹم ذرائع کے مطابق کسی بھی ملزم کی گرفتار ی عمل میں نہیں لائی گئی ہے۔

Comments: 0

Your email address will not be published. Required fields are marked with *