تحریک لبیک پاکستان کا 29 اگست سے لاہور سے اسلام آباد احتجاحی مارچ کا اعلان

کراچی(اسٹاف رپورٹر)تحریک لبیک پاکستان نے 29 اگست سے لاہور سے اسلام آباد احتجاحی مارچ کا اعلان کردیا ۔کراچی سمیت ملک بھر سے قافلے 28 اگست کو لاہور کیلئے روانہ ہونگے ۔ہالینڈ کے سفیر کو واپس بھیجنے اور اپنے سفیر کو واپس بلانے تک احتجاج جاری رکھا جائے گا ۔کارکنان کو تیاری کرنے کا حکم اور وصیت نامے لکھ کر آنے کا حکم دیا گیا ہے ۔تفصیلات کے مطابق تحریک لبیک پاکستان نے گزشتہ روز لاہور مرکز میں ملک بھر کے مرکزی قائدین و شوری کا اجلاس بلایا تھا جو لگ بھگ 4 گھنٹے جاری رہا ۔اجلاس کی صدارت خادم حسین رضوی کی صدارت میں منعقد کیا گیا جس میں فیصلہ کیا گیا حکومت بغیر کسی تاخیر کے ہالینڈ سے سفارتی تعلقات ختم کرے اور تمام مسلم ممالک سے ایسے اقدامات اٹھانے کی اپیل کرے ۔امریکی شہری کو اس مقابلے کا جج بنایا جارہا ہے اس لیئے امریکہ کو بھی منہ توڑ جواب دیا جائے ۔اگر حکومت فی الفور اپنے سفیر کو ہالینڈ سے واپس بلا کر ان کے سفیر کو ملک سے واپس بھیج کر سفارتی تعلقات ختم نہیں کرتی تو تحریک لبیک 29 مارچ بدھ کے روز لاہور سے اسلام آباد کی طرف مارچ کرے گی اور تب تک سڑکوں پہ احتجاج کرے گی جب تک سفارتی تعلقات ختم کرنے کا اعلان نہیں ہو جاتا ۔ تحریک لبیک کی جانب سے صوبائی امراء کے ذریعے تمام کارکنان کو حکم دیا گیا ہے وہ تیاری کر لیں اور گھروں میں وصیت لکھ کر آئیں اور سڑکوں پر رہنے کی تیاری کے ساتھ آئیں اس حوالے سے خیبر پختون خواہ والے اسلام آباد میں جوائن کریں گے جبکہ سندھ سے کارکنان اور ذمہ داران آج اپنی حکمت عملی ترتیب دیں گے ۔تحریک لبیک کے مرکزی ترجمان کا کہنا ہے کہ ہمارے لیئے سب سے اہم مسئلہ 10 نومبر سے قبل ان خاکوں کا مقابلہ رکوانا ہے اور حکومت کی توجہ اس جانب مبذول کرانی ہے کیونکہ حکومت اپنے تمام کررہی ہے اور جس کے نام پر ملک بنا ہے اس اسلام کے لیئے کوئی کام نہیں کیا جارہا ۔خیبر پختون خوا کے امیر علامہ شفیق امینی کا کہنا ہے ہمارا مطالبہ یہ ہے کہ پاکستانی حکومت گستاخانہ خاکوں کے مقابلے کو رکوانے میں عملی کردار ادا کرے ۔ حکومت پاکستان فی الفور ہالینڈ سے اپنا سفیر بلائے اور پاکستان سے ہالینڈ کے سفیر کو نکالاجائے ۔ ہالینڈ سے تمام سفارتی اور تجارتی تعلقات ختم کئے جائیں اور اب تک یہ کام نہیں کیئے گئے اس لیئے ہم نے فیصلہ کیا ہے کہ 29 اگست کو لاہور سے اسلام آباد لبیک یارسول اللّٰہ مارچ ہوگا ۔ادھر کراچی ڈو یژن نے تحریک کی مرکز قیادت کے اعلان کے اپنے اعلامیئے میں لکھا ہے کہ مطابق 29 اگست کو داتا در بار سے شروع ہونے والے لبیک یا رسول اللّٰہ مارچ میں بھرپور طریقے سے شرکت کریں گے ۔کراچی ٹی ایل پی کے امیر علامہ رضی حسینی نے اتوار کی شب کراچی بھر کی مقامی ذمہ داران کا ہنگامی اجلاس بلایا جس میں انہوں نے کہا کہ تحر یک لبیک پاکستان کے قائد علامہ خادم حسین رضوی کی لبیک یارسول اللہ مارچ کو اسلامیان پاکستان کےجذبات کی عکاسی ہے ۔ انہوں نےکہا کہ اس وقت ملک کی حز ب اختلا ف میں اورحکومتی جما عت میں شا مل مذ ہبی قو تیں اور جما عتیں نا مو س مصطفے جیسے حساس معاملے کو نظرانداز کر کے اپنی بقا اور حکو مت سازی جیسے مسائل میں الجھی ہو ئی ہیں علا مہ ر ضی حسینی نے کہا کہ ناموس رسالت پر جب بھی تار یخ میں کو ئی مر حلہ آیا ہے، غلا مان رسو ل جان کی پر وا کئے بغیر میدان عمل میں نکلے ہیں ۔ انہوں نے مطالبہ کرتے ہوئے کہا کہ حکومت پاکستان فی الفور ہالینڈ سے سفارتی اور تجارتی روابط منقطع کرے ۔ ہالینڈ سے اپنا سفیر واپس بلائے اور پاکستان سے ہالینڈ کا سفیر واپس کرے ۔ علا مہ رضی حسینی نے کہا کہ کرا چی سے قافلوں کی روانگی کا شیڈول 27 اگست بروز پیر کو جاری کردیاجائے گا ۔ذرائع کا کہنا ہے کہ ٹی ایل پی نے اپنے کارکنان کو کہا ہے وہ گھروں میں وصیت نامہ لکھ کر آئیں کیونکہ ہم نے ناموس رسالت کے تحفظ کیلئے نکلنا ہے ۔

Comments: 0

Your email address will not be published. Required fields are marked with *