محمود مولوی نے ٹرانسپوٹرز کے تحفظات دور کرانے کی یقین دہائی کرائی

الرٹ نیوز : محمود مولوی کی آل پاکستان ٹرانسپورٹ ایسوسی ایشن کے وفد سے ملاقات ، حکومت ٹرانسپورٹرز کے تحفظات دور کرنے کے لیے اقدامات اٹھارہی ہے ،امید ہے کہ ہڑتال جلد ختم ہوجائے گی ، مشیر برائے وزارت ساحلی امور

مشیر برائے وزارت ساحلی امور محمود مولوی نے کہا ہے کہ حکومت ٹرانسپورٹرز کے تحفظات دور کررہی ہے،امید ہے کہ ہڑتال جلد ختم ہوجائے گی۔تفصیلات کے مطابق محمود مولوی نے کراچی میںآل پاکستان ٹرانسپورٹ ایسوسی ایشن کے وفد سے ملاقا ت کی .

ا س دوران ٹرانسپورٹرز کی ہڑتال سمیت کراچی میں ٹرانسپورٹرز کے مسائل کے حوالے سے تبادلہ خیال کیا گیا۔ ملاقات کے دوران محمود مولوی نے کہا کہ ٹرانسپورٹرز کو سہولیات فراہم کرنا حکومت کی اولین ترجیح ہے ۔ حکومت نے ماضی میں بھی ٹرانسپورٹرز کے لئے بہترین پالیسیز دیں اور اب بھی ٹھوس اقدامات اٹھائے جارہے ہیں ، امید ہے کہ جلد اس مسئلے کا حل نکال لیا جائے اور چار روز سے جاری ہڑتال جلد ختم ہوجا ئے گی۔ اس دوران ایم پی اے سعید آفریدی بھی موجود تھے .

Comments: 0

Your email address will not be published. Required fields are marked with *