مولانا فضل الرحمن کراچی میں تعزیتی ریفرنس سے خطاب ، علمائے سے ملاقاتیں کریں گے

الرٹ نیوز

مولانا فداء الرحمن درخواستی ؒکی یاد میں تعزیتی جلسہ جمعرات کو بعد نماز ظہر جا معہ انوارالقرآن آدم ٹاؤن میں ہوگا، جس سے جمعیت علماء اسلام کے مرکزی امیر مولانا فضل الرحمن اور ملک بھر سمیت کراچی کے جید علماء کرام اور قائدین خطاب کریں گے۔

تعزیتی جلسہ کا فیصلہ جامعہ انوارالقرآن میں انکے چھوٹے بھائی مولانا خلیل الرحمن درخواستی کی صدارت میں تعزیتی جلسے کے انتظامات کے حوالے سے ہونے والے اجلاس میں ہوا۔ قاری محمد عثمان نے بھی اجلاس میں خصوصی طور پر شرکت کی۔

مولانا فضل الرحمن درخواستی کراچی پہنچ گئے۔ جامعہ انوارالقرآن کراچی کے رئیس اور جمعیت علماء اسلام کے مرکزی رہنما ء مولانا فداء الرحمن درخواستی ؒ کی یاد میں جمعرات کو بعد نماز ظہر منعقد ہونیوالے تعزیتی جلسہ عام کے انتظامات کو آخری شکل دیتے ہوئے یہ بھی فیصلہ کیا گیا کہ تعزیتی جلسہ کے موقع پرمولانا فضل الرحمن، جید علماء کرام اور قائدین مولانا فداء الرحمن درخواستی ؒ کے ملکی و سیاسی امور اور جامعہ انوارالقرآن کے انتظامات کو چلانے کیلئے مولانا فضل الرحمن درخواستی،مولانا حسین احمد درخواستی،مولانا خلیل احمد درخواستی، مولانا رشید احمد درخواستی کی جانشینوں کی حیثیت سے دستاربندی بھی کریں گے۔

اجلاس میں قاری محمد عثمان، مولانا حسین احمد درخواستی، مولانا رشید احمد درخواستی، مفتی حبیب احمد درخواستی، مفتی زبیر احمد درخواستی، مولانا محمد ادریس اچکزئی،مولانا محمد اظہر،قاری محمد حارث، قاری محمد طاہر اور خاندان درخواستی کے دیگر علماء کرام نے بھی شرکت کی۔ اجلاس میں کراچی کے غیور مسلمانوں، علماء کرام اور حضرت درخواستی ؒ کے معتقدین سے اپیل کرتے ہوئے کہا گیا کہ اپنی بھر پور شر کت کو یقینی بنا کر مولانا عبداللہ درخواستی ؒ سے گہری محبت کا اظہار کریں۔

مولانا فضل الرحمن کل کراچی میں تعزیتی ریفرنس سے خطاب کریں گے ، جمعیت علماء اسلام سندھ کے ڈپٹی سیکرٹری اطلاعات محمد سمیع الحق سواتی کے مطابق جے یو آئی کے سابق مرکزی امیر مولانا عبداللہ درخواستی کے جانشین مولانا فداء الرحمن درخواستی کے سانحہ ارتحال پر جامعہ انوارالقرآن آدم ٹاؤن نارتھ کراچی میں جمعرات کو تعزیتی ریفرنس سے جے یو آئی کے مرکزی امیر مولانا فضل الرحمن خصوصی خطاب کریں گے ۔

اس موقع پر ان مولانا فضل الرحمن درخواستی ، مولانا جمیل الرحمن درخواستی، مولانا خلیل درخواستی ، قاری حسین احمد درخواستی سمیت ملک بھر سے دیگر علماء کرام بھی خطاب کریں گے ۔ دریں اثناء جے یو آئی صوبہ سندھ کے سیکرٹری جنرل مولانا راشد محمود سومرو نے مدینہ منورہ سے ایک پیغام میں جے یو آئی کے کارکنان سے مولانا درخواستی تعزیتی ریفرنس میں بھرپور شرکت کی اپیل کی ہے ۔

Comments: 0

Your email address will not be published. Required fields are marked with *