منگھو پیر میں واٹر بورڈ‌ کی 48 انچ قطرلائن سے پانی چوری پکڑی گئی .

الرٹ نیوز

ایم ڈی واٹربورڈاسد اللہ خان کی نگرانی میں منگھوپیر خیرآباد اوریاروگوٹھ میں پانی چوروں اورغیر قانونی ہائیڈرنٹس کیخلاف گرینڈ آپریشن کیا گیا، ایک ہائیڈرنٹ مسمار 5 کنکشن منقطع پانی چوری کرکے ٹینکروں کے ذریعہ فروخت کرنے کیلئے بنایا گیا تالاب توڑ دیاگیا .

منگھو پیر میں چار دیواری کے اندر پانی چوری کو ختم کرنے کی تیاری

بلدیہ ٹاون ، سعید آباد ، موچھ گوٹھ الطاف نگر اوردیگر علاقوں کے مکینوں کے حصے کا 7 لاکھ گیلن یومیہ پانی کی چوری روک دی گئی ہے، سیکڑوں میٹر پائپ، پمپس تالاب کی سطح پر بچھایا گیا ہزاروں فٹ طویل پلاسٹک کا ترپال قبضہ میں لے لیا گیا ہے، پولیس کی متعدد موبائلیں اور نفری نے بھی کارروائی میں حصہ لیا.ایم ڈی واٹربورڈ نے براہ راست پورے آپریشن کی نگرانی کی، واٹربورڈ کے عملے کو شہرسے غیرقانونی ہائیڈرنٹس کے مکمل خاتمہ تک آپریشن جاری رکھنے کی ہدایت کردی .

منگھو پیر میں مین 48 انچ کی لائن سے لیا کنکشن منقطع کیاجا رہا ہے ۔

ایم ٍڈی واٹربورڈ اسد اللہ خان کی ہدایت پر واٹربورڈ کے چیف انجینئر بلک ظفر پلیجو، چیف سیکیورٹی آفیسر میجر(ر) محمد نواز گوندل اور ایگزیکٹیو انجینئر آغا احمد علی درانی نے واٹربورڈ کے عملے اور بھاری پولیس نفری کے ساتھ منگھوپیر کے علاقہ یار محمد گوٹھ میں ایک گھر نما غیرقانونی ہائیڈرنٹ پر چھاپہ مارا جس میں واٹربورڈ کی 48 انچ قطر کی پائپ لائن سے لیئے گئے کنکشن سے پانی چوری کرکے فروخت کیا جاتا تھا .

واٹر بورڈ کا عملہ لائن کو منقطع کرنے میں مصروف ہے ۔

واٹربورڈ کے عملے نے ہائیڈرنٹ مسمار کرکے کنکشن منقطع کردیا ہے، سیکڑوں فٹ پائپ پمپس موٹر اور سیکڑوں فٹ پائپ قبضہ میں لے لیا، اس ہی علاقہ میںپارنی چوری کرکے ٹینکروں کے ذریعہ فروخت کیلئے بنایاگیا تالاب بھی توڑدیادیا گیاجبکہ تالاب کی تحہ میں بچھایاگیا ہزاروں فٹ پلاسٹک کا ترپال قبضہ میں لے لیا .

منگھو پیر میں مافیا کو سامان واٹر بورڈ اپنی تحویل میں لے رہا ہے

بعد ازاں مرکزی راستہ سے گزرنے والی واٹربورڈ کی 48 انچ قطر کہ پاٰئپ لائن سے لیئے گئے 3،انچ قطر کے 4،کنکشن منقطع کردیئے گئے ،ایک محتاط اندازے کے مطابق اس کارروائی کے دوران 7لاکھ گیلن یومیہ پانی کی چوری روک دی گئی ہے، ایم ڈی واٹربورڈ نے پورے آپریشن کی براہ راست نگرانی کی اور عملے کو ضروری ہدایات دیتے رہے، انہوں نے کہا کہ واٹربورڈ شہر سے تمام غیرقانونی ہائیڈرنٹس کے خاتمہ تک آپریشن جاری رکھے گا۔

Comments: 0

Your email address will not be published. Required fields are marked with *