تیسرا فیشن انقلاب مقابلہ بھی SMH انٹرنیشنل ہی منعقد کرائے گا .

رپورٹ : ملک صفدر اعوان

ایس ایم ایچ انٹرنیشنل نے تیسرے فیشن انقلاب مقابلے کے انعقاد کا اعلان کردیا ،مقابلے دسمبر میں ہوں گے،ن ڈیزائننگ،ماڈلنگ، میک اپ اور فوٹو گرافی کے لئے آن لائن رجسٹریشن کی گئی ،ہم جو کام کررہے ہیں اس کیلئے ٹریڈ ڈیولپمنٹ اتھارٹی پاکستان ہمارے ساتھ تعاون کرے ، شیخ محمد ہمایوں ، شیخ ہمایوں سعید

نوجوانوں کو فیشن اور میڈیا انڈسٹری میں اپنی صلاحیتوں کو اجاگر کر کے آگے لانے کیلئے ایس ایم ایچ انٹر نیشنل نے تیسرے فیشن انقلاب مقابلے کے انعقاد کا اعلان کردیا ہے،یہ مقابلے رواں سال دسمبر میں کراچی میں ہوں گے ۔ ایس ایم ایچ انٹر نیشنل کے چیف ایگزیکٹو آفیسر شیخ محمد ہمایوں اور چیئر مین،فیڈریشن چیمبرز آف کامرس کے سابق نائب صدر شیخ ہمایوں سعید نے گزشتہ روزمقامی ہوٹل میں ایک پریس کانفرنس سے خطاب میںفیشن انقلاب مقابلے کے حوالے سے بتایا کہ ہمارا ادارہ اس سال تیسری مرتبہ ایونٹ کا انعقاد کررہا ہے ،

جس میں اس بار چار کیٹگیری رکھی گئی ہیں جس میں فیشن ڈیزائننگ،ماڈلنگ، اسٹائلنگ( میک اپ) اور فوٹو گرافی کے شعبے میں مقابلے ہوں گے جس کے لئے آن لائن رجسٹریشن کی گئی ہے جس میں ہزاروں کی تعداد میں نوجوان لڑکے اور لڑ کیوں نے خود کو رجسٹرڈ کرایا ہے جو ماضی کے مقابلے میں بہت زیادہ ہے۔شیخ محمدہمایوں نے کہا کہکالجوں اور یونیورسٹی کے طلبا ء اور طالبات نے ان مقابلوں کیلئے گہری دل چسپی کا اظہار کیا ہے ،

بیرون ملک سے بھی نوجوانوں نے ایونٹ کے لئے رجسٹریشن کرائی ہے، یہ ایک گلوبل پروجیکٹ ہے جس کا مقصدپاکستان کے معماروں کو بہترین کیریئر بنانے کا موقع فراہم کرنا ہے ۔انہوں نے کہا کہ 23نومبر کو کراچی کے مقامی کلب میں چاروں کیٹگیری میں رجسٹریشن کرانے والوں کے آڈیشن کاآغاز ہوگا جبکہ دیگر شہروں میں آڈیشن کس سلسلہ شروع ہوگیا ہے، جس کے بعد مجموعی طور پر ماڈلنگ سے 100 دیگر کیٹگیری سے15, 15 کا انتخاب کیا جائے گا، اس کے بعدیوتھ گرینڈ فائنل مقابلہ دسمبر میں مقامی ہوٹل میں ہوگا .

جس کے بعد چاروں صوبوں سے 60نوجوانوں کو منتخب کیا جائے گا، اس دوران 4سے11دسمبر تک شرکاءکو ورکشاپ میں گروم کرنے کے لئے ان کے شعبے کی نامور اور معروف شخصیات خصوصی ٹریننگ بھی دیں گی جس سے ان کی اپنے شعبے میں صلاحیتوں کو نکھارنے میں مدد ملے گی۔

انہوں نے کہا کہ ہمارے پروگرام کا مقصد خواتین کو بااختیار اور نئی نسل کے مالی مسائل کو حل کرنا ان کے مستقبل کو اچھے کیریئر کی مدد سے روشن کرنا ہے، اس موقع پر شیخ ہمایوں سعید نے کہا کہ روز گار کا حصول نوجوانوں کا اس وقت بڑا مسئلہ ہے، ہم ان کو ورکشاپ کے ذریعے مستقبل کے لئے تیار کریں گے تاکہ انہیں بیرون ملک بھی ملازمت کے مواقع حاصل ہوسکیں،ہم جو کام کررہے ہیں اس کیلئے ٹریڈ ڈیولپمنٹ اتھارٹی پاکستان ہمارے ساتھ تعاون کرے۔انکا کہنا تھا کہ ان کا ادارہ شہر کے کچھ علاقوں میں شجر کاری مہم بھی شروع کریگا،حکومت کی گرین کلین مہم پاکستان کا فیشن آنقلاب ایونٹ کے دوران تصور بھی پیش کیا جائےگا،جس میں سبز دیوار اور سبز قالین سے مدد لی جائے گی۔

Comments: 0

Your email address will not be published. Required fields are marked with *