لاہور: رائیونڈ تبلیغی اجتماع 2024 کا انعقاد اس سال بھی روایتی جوش و خروش اور دینی جذبے کے ساتھ کیا جا رہا ہے، جس میں ملک بھر سے ہزاروں مسلمان شرکت کریں گے۔ اجتماع دو حصوں میں منعقد ہوگا: پہلا حصہ 31 اکتوبر کی عصر نماز سے شروع ہو کر 3 نومبر کی فجر تک جاری رہے گا، جبکہ دوسرا حصہ 7 نومبر کی عصر سے شروع ہو کر 10 نومبر کی فجر پر اختتام پذیر ہوگا۔
تبلیغی اجتماع میں مختلف شہروں اور حلقوں سے مسلمان بڑی تعداد میں شرکت کریں گے، جن میں لاہور، فیصل آباد، پشاور، سوات، ماتن، ڈی آئی خان، کوئٹہ اور کراچی جیسے اہم حلقے شامل ہیں۔ اس اجتماع کا مقصد دین کی تعلیمات کو فروغ دینا اور اسلام کی حقیقی روح کو اجاگر کرنا ہے۔
اجتماع کے منتظمین نے تمام اہل محبت اور اہل اسلام سے اس مبارک اجتماع میں شرکت کی پرزور اپیل کی ہے تاکہ وہ دینی تربیت حاصل کر سکیں اور اسلامی تعلیمات کو اپنی زندگی کا حصہ بنا سکیں۔