امتحانی بورڈز میں تعیناتیاں کا معاملہ ،وزیر اعلی کو نوٹس جاری

رپورٹ: اختر شیخ

سندھ کے تعلیمی بورڈزمیں کنٹرولرز اورسیکریٹریز کی تعیناتی کا مسئلہ سنگین صورت حال اختیار کر گیا ہے ۔

وزیراعلی سندھ سید مراد علی شاہ کوعدالتی نوٹس جاری کردیئے گئے ہیں .وزیر اعلی کے ساتھ سیکرٹری بورڈز اینڈ یونی ورسٹیز ریاض الدین قریشی کو بھی وارنگ دی گئی ہے .گذشتہ دنوں سندھ کے تعلیمی بورڈز کی کنٹرولر اورسیکریٹریز کی اہم سامیوں پر سرچ کمیٹی کے ذریعے افسران کی تقرری کے لیے ایک سمری وزیراعلی سندھ کو بھجی گئی تھی .جس میں یہ بھی لکھا ہے کہ ان تقرریوں پر عمل درآمد عدالت کے فیصلے کے بعد ہی ممکن ہوگا۔

یاد رہے کہ ان تقرریوں کے خلاف ہائی کورٹ کراچی نے سات مختلف کیسیز میں اسٹے آڈر جاری ہوچکے ہیں لیکن سیکرٹری بورڈز اینڈ یونی ورسٹیز ریاض الدین مسلسل خلاف ضابطہ اور غیر قانونی اقدامات کو اختیار کر رہے ہیں .

جس کے بعد گزشتہ روز پروفیسر مظفر جمیل اور سید عمیر احمد کے کیس میں عدالت کی جانب سے حکم امتناعی جاری ہوچکا ہے، وزیر اعلی سندھ کو ایک سخت لیگل نوٹس جاری ہوگیا ہے ۔ جس میں 3 دن میں تمام کاروائی اس وقت تک روک دینے کی وضاحت کی ہے جب تک ہائی کورٹ میں چلنے والے تمام مقدمات کا فیصلہ نہیں ہوجاتا۔

نوٹس میں توہین عدالت سے بچنے کے لیے 3 دن کی مہلت دی گئی ہے .

Comments: 0

Your email address will not be published. Required fields are marked with *