یہودی شہری کی پاکستانی پاسپورٹ پراسرائیل جانے کی درخواست

یہودی شہری کی پاکستانی پاسپورٹ پراسرائیل جانے کی درخواست

وزیراعظم عمران خان کی ہدایت پرشہریوں کی شکایت کے ازالے کیلئے بنائے گئے سٹیزنز پورٹل پرمبینہ طور پرپاکستان کے واحد یہودی شہری فشل بن خالد نے ’’حقوق سے انکار‘‘ کے عنوان سے اپنی شکایت درج کرائی ہے ۔

جس میں ان کا کہنا تھا کہ میں کراچی میں مقیم پاکستانی شہری اوریہودی مذہب سے تعلق رکھتا ہوں۔ حکومت پاکستان سے درخواست ہے کہ مجھے پاکستانی پاسپورٹ پر اپریل 2019 خ س میں دس روز کیلئے اسرائیل جا کر مذہبی رسومات ادا کرنے کی اجازت دی جائے۔

واضح رہے کہ پاکستان میں مقیم یہودیوں کی اصل تعداد نامعلوم ہے۔تاہم الیکشن کمیشن میں درج یہودی ووٹرز کی تعداد 400 سے قریب ہے۔قیام پاکستان کے بعد مخصوص حالات کی بناء پر یہودی یا تو قریبی ملک بھارت یا اسرائیل جابسے تھے۔

شہر میں یہودی عبادت گاہ بھی قائم تھی جسے سیناگوگ کی بجائے یہاں مسجد بنی اسرائیل کے نام سے پکارا جاتا تھا۔جمیلہ اسٹریٹ پر واقعہ اس عمارت پر قبضہ کرکے یہاں ایک پلازہ قائم کردیا گیا ہے۔

شہر میں قدیم میوہ شاہ قبرستان میں اب بھی اہل یہود کی قبور موجود ہیں۔پاکستانی پاسپورٹ پر یہ تحریر موجود ہے کہ یہ دنیا کے تمام ممالک کے سفر کے لئے کارآمد ہے ماسوائے اسرائیل کے۔شہر میں موجود یہودی اپنی شناخت ظاہر کرنے سے گریزاں رہتے ہیں۔

Comments: 0

Your email address will not be published. Required fields are marked with *