ڈائریکٹر جنرل نادرا سندھ کا اندورن سندھ میں مختلف دفاتر کا دورہ
حیدرآباد اور میر پور خاص برانچز کے دورے کے دوران سائلین کو بہتر خدمات فراہم کرنے کی ہدایت
اندورن سندھ کی مذید برانچوں کو جدید آلات سے مزین کیا جارہا ہے ، شہری اور دیہی فرق کو ختم کردینگے ، میر عجم درانی
ڈائریکٹر جنرل نادرا سندھ میر عجم درانی نے منگل کو اندورن سندھ میں مختلف دفاتر کا دورہ کیا ہے ۔
ترجمان نادرا کے مطابق میر عجم درانی نے حیدرآباد اور میر پورخاص برانچ ز کے دورے کے دوران انتظامات کا جائزہ لیا اور سائلین کو بہتر خدمات فراہم کرنے کے لیے نادرا افسران عملے کو نئی ہدایات جاری کیں ۔
دورے کے موقع پر سہولیات کو مذید بہتر بنانے کے حوالے سے گفتگو کی گئی۔کئی برانچوں پر سائلین کی آسانی کے لیے ٹھنڈے پانی کے کولر ،پنکھوں اور فرنیچر کی تنصیب کا کام جاری رہے ۔
اس موقع پر ڈی جی نادرا نے کہا کہ اندورن سندھ کی مذید برانچوں کو جدید آلات سے مزین کیا جارہا ہے ۔ہماری بھرپورکوشش ہے کہ سہولیات کے لحاظ سے شہری و دیہی فرق کو ختم کردیا جائے ۔
کم وقت میں سائل کے قومی شناختی کا رڈ کے تمام مراحل کی تکمیل ترجیجات میں شامل ہے ۔
