بین الاقوامی انسانی حقوق کے اداروں اور عالمی عدالتِ انصاف (آئی سی سی) نے اسرائیلی وزیر اعظم نیتن یاہو کے خلاف جنگی جرائم کے الزامات پر کارروائی کا آغاز کر دیا ہے۔ ان پر غزہ میں جاری جنگ کے دوران انسانی حقوق کی سنگین خلاف ورزیوں اور عام شہریوں کے قتلِ عام میں ملوث ہونے کا الزام ہے۔
انسانی حقوق کی تنظیموں اور مختلف ممالک نے اس اقدام کو انصاف کی جانب ایک اہم قدم قرار دیا ہے۔ اقوامِ متحدہ کی رپورٹ کے مطابق غزہ میں اسرائیلی کارروائیوں کے دوران ہزاروں معصوم افراد، جن میں خواتین اور بچے بھی شامل ہیں، اپنی جان سے ہاتھ دھو بیٹھے ہیں۔
اسرائیلی وزیر اعظم نیتن یاہو نے ان الزامات کو سختی سے مسترد کرتے ہوئے کہا ہے کہ ان کے اقدامات "دفاعی کارروائیاں” تھیں اور وہ اپنے ملک کے تحفظ کے لیے ہر حد تک جائیں گے۔
عالمی عدالت انصاف جلد ہی ان کیسز کی سماعت کا آغاز کرے گی۔ ماہرین کا کہنا ہے کہ یہ مقدمہ نہ صرف غزہ کے مظلوم عوام کے لیے امید کی کرن ہے بلکہ جنگی جرائم کے خلاف عالمی قوانین کو نافذ کرنے کے لیے ایک نظیر بھی قائم کر سکتا ہے۔
یہ معاملہ دنیا بھر میں انسانی حقوق کی جدوجہد اور انصاف کے لیے ایک بڑا امتحان ثابت ہوگا۔