راولپنڈی: ضلع راولپنڈی کے ڈینگی بخار سے متاثرہ 72 مریض شہر کے مختلف ٹیچنگ ہسپتالوں میں زیر علاج ہیں۔
ڈسٹرکٹ ہیلتھ اتھارٹی کے اعداد وشمار کے مطابق ڈینگی کے مریضوں میں سے ایک بحریہ انٹرنیشنل ہاسپٹل، 36 بے نظیر بھٹو ہاسپٹل، 3 فوجی فاؤنڈیشن ہاسپٹل، ایک ہارٹ انٹرنیشنل ہاسپٹل، 14 ہولی فیملی ہاسپٹل، 1میگا میڈیکل کمپلیکس، 15 راولپنڈی ٹیچنگ ہاسپٹل اور ایک مریض سوشل سکیورٹی ہاسپٹل اسلام آباد میں زیر علاج ہے۔
گزشتہ 24 گھنٹوں کے دوران 30 نئے افراد میں وائرس کی تصدیق کے بعد رواں سال رپورٹ ہونے والے کیسز کی مجموعی تعداد 445 ہوگئی ہے۔ رپورٹ کے مطابق نئے کیسز میں سے پوٹھوہار ٹاؤن، میونسپل کارپوریشن راولپنڈی اور چکلالہ کنٹونمنٹ سے دو دو مریض سامنے آئے ہیں۔