جامعہ کراچی: سینٹ اور اکیڈمک کونسل میں کالج پرنسپلز اور اساتذہ کی نشستوں پر انتخابات کیلئے کاغذات نامزدگی جمع کرانے کی تاریخ میں توسیع کر دی گئی ۔
جامعہ کراچی کے رجسٹرار پروفیسر ڈاکٹر عبد الوحید کے مطابق جامعہ کراچی کی اکیڈمک کونسل اور سینٹ میں کالج پرنسپلز اور اساتذہ کی نشستوں پر 25 جنوری 2024ء کو ہونے والے انتخابات کیلئے کاغذات نامزدگی جمع کرانے کی تاریخ میں 15جنوری 2024 ء تک توسیع کر دی گئی ہے ۔
انتخابات کے لئے کاغذات نامزدگی 15 جنوری دوپہر1:00 بجے تک جمع کرائے جاسکتے ہیں۔کا غذات نامزدگی بذریعہ میل قبول نہیں کئے جائینگے۔کاغذات نامزدگی 17 جنوری 2024 ء کو دوپہر 1:00 بجے تک واپس لئے جا سکتے ہیں ۔
اُمیدواروں کی حتمی فہرست اسی روز شام چار بجے جاری کی جائے گی ۔ انتخابات شیخ زید اسلامک ریسرچ سینٹر جامعہ کراچی میں صبح 9:30تا شام 4 بجے ہونگے ۔