فردوس عاشق اعوان نے توہین آمیز بیان پرمعافی مانگ لی

قومی الرٹ: وزیراعظم کی معاون خصوصی برائے اطلاعات ونشریات فردوس عاشق اعوان نے توہین آمیز بیان پر الیکشن کمیشن سے معافی مانگ لی ۔

وزیراعظم کی معاون خصوصی کی جانب سے الیکشن کمیشن کے خلاف توہین آمیز بیان سے متعلق ن لیگ کی درخواست پر سماعت 3 رکنی بینچ نےکی ۔

فردوس عاشق اعوان نے الیکشن کمیشن میں جواب جمع کراتے ہوئے مؤقف اپنایا کہ انہوں نے الیکشن کمیشن کی کوئی توہین نہیں کی،اگر الیکشن کمیشن سمجھتا ہے کہ توہین کی ہے تو غیر مشروط معافی مانگتی ہوں۔

درخواست گزار خالد محمود نے ٹرانسکرپٹ اور سی ڈی الیکشن کمیشن میں جمع کرانے کا مؤقف اپنایا تو الیکشن کمیشن نے کہا کہ فردوس عاشق اعوان کے بیان والی کوئی سی ڈی موصول نہیں ہوئی۔

وکیل فردوس عاشق اعوان نے درخواست گزار کی جانب سے توہین آمیز مواد نہ دے سکنے پر درخواست خارج کرنے کی اپیل کی۔

الیکشن کمیشن نے درخواست گزار سے ویڈیو ٹرانسکرپٹ مانگتے ہوئے سماعت 25مارچ کر ملتوی کر دی۔

Comments: 0

Your email address will not be published. Required fields are marked with *