یہ صاحب طاقت کے لحاظ سے مضبوط ترین ادارے #ISI کے DG رہے ہیں ۔ اوجڑی کیمپ سانحہ میں آپریشن کلین اپ کے اہم کردار رہے ۔ اچھے وقتوں میں فوج میں تعینات تھے ۔بوسنیا کے مسلمانوں کی مدد کے کارواں کا حصہ تھے ۔ ملک کی خدمت کی۔ پھر دین کی خدمت کیلئے تبلیغی جماعت سے جُڑ گئے ۔
سہ روزے ۔ عشرے ۔ چلے اور چار ماہ کے علاوہ سال و بیرون ملک تشکیلات ہوئیں ۔ DG رہے تو کیا ہوا ۔ جماعت میں عام آدمی کی طرح خدمت اور گشت تک کی اور تاوفات تبلیغ کی فکر میں فکرمند رہے ۔
دوران ملازمت ریٹائرڈمنٹ لی ۔ دینی کاز میں لگے رہے ۔ مدارس کا قیام کیا ۔ مساجد بنوائیں ۔ گلیات کی یونین کونسل بگنوتر کے دفتر سے ملحقہ اراضی خرید کر مسجد تعمیر کی ۔ دینی تعلیم کیلئے ادارہ قائم کیا ۔
اس شخص کا نام جاوید ناصر اور رینک ان کا لیفٹینیٹ جنرل تھا ۔ سربراہ یہ ISI کے رہے ۔ ہٹو بچو سے دور پرے رہے ۔ صبح اجل کو لبیک کہا اور ابدی نیند سو گئے ۔ بے چین روح کو گویا آج قرار آ گیا ۔
ناصر تھے اس لیئے زندگی نصرت والی تھی اور اب جاوید ہو گئے ۔ لاہور کینٹ کی مسجد خالد سے ملحقہ کیولری گراونڈ میں نماز جنازہ ادا کی گئی ۔ اور عشاء میں سپرد خاک ہوئے ۔