ہری پور (محمد آصف اعوان): جنرل سیکرٹری پی ٹی آئی ہری پور اور چیئرمین کھلابٹ 1 اللہ یار خان کی بھرپور کوششوں کے نتیجے میں محلہ کھیوہ کے ٹیوب ویل کے لیے 50 KV ٹرانسفارمر فراہم کر دیا گیا۔ دو ہفتے قبل محلہ کھیوہ کے ٹیوب ویل کا ٹرانسفارمر چوری ہو گیا تھا، جس کی وجہ سے علاقے میں پانی کی فراہمی معطل ہو گئی تھی اور رہائشی شدید مشکلات کا شکار تھے۔
عوامی مشکلات کا نوٹس لیتے ہوئے اللہ یار خان نے اپوزیشن لیڈر عمر ایوب خان سے فوری طور پر ٹرانسفارمر مہیا کرنے کی درخواست کی، جس پر عمر ایوب خان نے اپنے کوآرڈینیٹر ساجد خان کو ہدایت دی کہ علاقے کی ضروریات کے مطابق ٹرانسفارمر فراہم کیا جائے۔ عمر ایوب خان کی ہدایت پر عمل کرتے ہوئے، کھیوہ کے ٹیوب ویل کے لیے 50 کے وی کا نیا ٹرانسفارمر نصب کر دیا گیا۔
ٹرانسفارمر کی تنصیب کے بعد علاقے میں دعائے خیر کا اہتمام کیا گیا، جس میں چیف مشتاق احمد، سابق ناظم نثار احمد، جنرل کونسلر ظولفقار احمد عباسی، ملک نزاکت گجر، صغیر احمد، سید ابرار حسین شاہ، ملک سخاوت، نذیر احمد، سوشل ورکرز اور دیگر اہم شخصیات سمیت علاقے کے عوام نے بڑی تعداد میں شرکت کی۔
علاقہ مکینوں نے ٹرانسفارمر کی فوری فراہمی اور عوامی مشکلات کے حل پر اللہ یار خان، عمر ایوب خان، اور ساجد خان کا شکریہ ادا کیا اور ان کی کاوشوں کو سراہتے ہوئے انہیں خراج تحسین پیش کیا۔