کراچی : جمیعت علمائے اسلام کے ترجمان اسلم غوری کا کہنا ہے کہ مخصوص نشست پر اجنبی خاتون کو رکن قومی اسمبلی بنانے کا فیصلہ قابلِ افسوس ہے ۔
اسلم غوری کا کہنا ہے کہ ہمیں مجبور کیا جارہا ہے کہ زبردستی کسی اجنبی کو پارٹی کا حصہ بنا دیں ۔ پارٹی پالیسی کے برعکس فیصلہ ظالمانہ اور جانبدارانہ ہے ۔
کے پی کے ھائیکورٹ کے حکم کو نظر انداز کر کے معاملہ ٹریبونل کو بھیجنا آئین و قانون کا مذاق ہے۔ للیکشن کمیشن کو کس نے اختیار دیا کہ وہ پارٹی نمائندہ خود نامزد کرے ۔
چیف الیکشن کمشنر کے متنازع فیصلے مدتِ ملازمت میں توسیع کی قیمت ہیں ۔ الیکشن کمیشن سیاسی جماعت نہیں، قومی ادارہ بن کر کام کرے۔
پارٹی امیدوار کی بجائے اجنبی خاتون کو مخصوص نشست دینے کا فیصلہ حیران کن ہے ۔ پہلے رات کے اندھیرے میں دھاندلی ہوتی تھی ،اب دن دیہاڑے ڈاکہ زنی شروع کردی گئی ہے ۔ کچے کے ڈاکوؤں کے بھی کچھ اقدار ہیں ،یہاں تو سب چلتا ہے ۔