افغان شہری کو وزیر اعلی بلوچستان کا کورآرڈینیٹر لگا دیا گیا . رپورٹ

وزیراعلی بلوچستان جام کمال خان نے عبید شاہ کو اپنا رابطہ کار اسٹنٹ مقرر کر دیا ہے ،

بلوچستان کی صوبائی حکومت نے عبید شاہ ولد ملک شاہ کی تقرری بطور رابطہ کار کرنے کا نوٹیفیکیشن بھی جاری کردیا ہے .نوٹی فکیشن نمبر CAB/3-27/2019-S&GAD/3323//3422 کے مطابق عبید شاہ ولد ملک شاہ کی تعیناتی اعزازی طور پر کی گئی ہے کیوںکہ اس عہدے پر سرکاری اسامی کا کوئی اشتہار نہیں دیا گیا ہے .

الرٹ نیوز کے ذرائع کے مطابق عبید شاہ اس وقت دبئی میں رہائش پذیر ہیں . عبید شاہ کا تعلق افغانستان کے صوبے نمروذ سے بتایا جاتا ہے . عبید شاہ نے نادرا سے جعلی شناختی کارڈ بنوا رکھا ہے ، عبید شاہ پر الزام ہے کہ وہ منشیات کی اسمگلنگ سمیت مختلف وارداتوں میں بھی ملوث رہا ہے ،اس سلسلے میں ترجمان بلوچستان حکومت لیاقت شاہوانی سے رابطہ کیا گیا مگر کوئی جواب نہیں مل سکا ہے .

عبید شاہ کا والد خود کو بااثر بندہ ظاہر کرتا ہے اور تاجر بھی ہے جبکہ اس کا آنا جانا افغانستان بھی لگا رہتا ہے ، ان کا تعلق گورگیج قوم سے ہے ، گورگییج قوم افغانستان میں نمروز اور ہلمند میں آباد ہیں جبکہ بلوچستان میں ضلع چاغی کے علاقے دالبدین ،تافتان اور تالبدین کے قریب کلئ گورگیج کے علاوہ نوشکئے میں بھی آباد ہیں اس کے علاوہ یہ قوم ایران میں زاہدان میں پائی جاتی ہے .

Comments: 0

Your email address will not be published. Required fields are marked with *