ہری پور لوکل زکوۃ کمیٹی ملکیار کے انتخابات مکمل ہوگئے ،حفیظ خان چیئر مین جبکہ معروف صحافی قاضی نثار احمد تنولی وائس چیئر مین بلامقابلہ منتخب ہو گئے ، پری زائیڈنگ آفیسر کے فرائض حافظ سرفراز خان ترین نے ادا کیے .
گزشتہ روز لوکل زکوۃ کمیٹی ملکیار کے انتخابات جامع مسجد عائشہ صدیقہ ملکیار میں منعقد ہوئے جس میں ویلج کونسل ملکیار کے ناظم ملک فیصل اقبال خان ، ویلج کونسل چھوہر شریف کے ناظم حاجی الیاس خان ، زکوۃ آفس ہری پور کے نمائندے سیکرٹری سید نواز اور پریذائیڈنگ آفسیر حافظ سرفراز خان ترین سمیت ویلج کونسل ملکیار اور ویلج کونسل چھوہر شریف کے معززین علاقہ کی کثیر تعداد نے شرکت کی .
شرکاء کی کثیر تعداد نے اتفاق رائے اور باہمی مشاروت سے 7 مرد ممبران اور 2 خواتین ممبران کا چناؤ عمل میں لایا ، جس کے مطابق حفیظ خان ملکیار چیئر مین، قاضی نثار احمد تنولی چھوہر کالونی وائس چیئرمین ، معروف صحافی راجہ سعادت علی ترک ملکیار ، فیاض محمد اعوان گل رحمان ریاست خان قیصر شاہ سمیت دو خواتین ممبران کا چناؤ عمل میں لایا گیا .
انتخابات کے موقع پر سابق ناظم ملک رزمت خان اور سنیئر صحافی سید مختار شاہ بھی موجود تھے .
