جامعہ کراچی میں ایک بار جنگل میں آگ بھڑک اٹھی

کراچی : جامعہ کراچی میں ایک بار آگ بڑھ اٹھی ، گزشتہ روز نیو ٹیچر فلیٹس کے قریب جنگل میں آگ لگی تھی جس پر قابو پا لیا گیا تھا ، تاہم آج جمعرات کی شب دوبارہ آگ بھڑک اٹھی ہے ۔

تفصیلات کے مطابق جامعہ کراچی کی انتظامیہ سخت گرمی سے قبل جنگل کی جھاڑیوں کی کٹائی کرنے میں کوئی بھی دلچسپی نہیں رکھتی ، جس کی وجہ سے ہر کچھ عرصہ بعد جنگل میں آگ لگنے کے واقعات رونما ہوتے ہیں ۔

بدھ کی دوپہر نیو ٹیچر فلیٹس کے قریب جنگل میں آگ بھڑک اٹھی تھی جس پر کافی تاخیر سے قابو پا لیا گیا تھا تاہم جمعرات کی شب کو دوبارہ اسی مقام پر آگ کے شعلے بلند ہونے لگے ہیں ، تاہم اس بات کا اندازہ نہیں کیا جا سکا ہے کہ آگ لگنے کی وجہ کیا ہے ۔

یونیورسٹی کا فائرٹینڈر بدستور خراب ہونے کی وجہ سے آگ پر بروقت قابو نہیں کیا جا سکا ہے ۔ موقع پر موجود اساتذہ و راہگیروں کا کہنا ہے کہ یونیورسٹی کا ہائیڈرنٹ بھی خراب ہے اور آنے والا ٹینکر بھی راستے میں دھنس گیا تھا ۔