کراچی : نظم وضبط کے خلاف ورزی، بدعنوانی اور اختیارات سے تجاوز میں ملوث ہونے کے الزام میں ایف آئی اے کے 10 افسران و اہلکاروں کو سزائیں سنائی گئیں۔
ایف آئی اے ہیڈ کواٹرز میں اردلی روم کا انعقاد کیا گیا۔ ڈیوٹی اور ٹریننگ کورس سے غیر حاضری پر 6 اہلکاروں کو وارننگ جاری کی گئی۔
انسپکٹر محمد اقبال کو کانسٹیبل ڈرائیور کی بھرتی کے دوران ڈرائیونگ لائسنس کی تصدیق نہ کرنے پر ایک سال کے لئے سب انسپکٹر کے عہدے پر تنزلی کر دی گئی۔
ٹیکنیکل اسسٹنٹ نازش اکمل کو غیر حاضری پر ملازمت سے برطرف کر دیا گیا۔ انسپکٹر اسد افتخار اعوان کو ناقص تفتیش پر 2 سال کے لئے 2 پے اسکیل کم کرنے کی سزا سنائی گئی ۔