کراچی: کے الیکٹرک کا حب پمپنگ اسٹیشن پر اچانک بریک ڈاؤن سے حب پمپنگ اسٹیشن کی بجلی مکمل طور پر بند ہو گئی ۔
حب پمپنگ اسٹیشن کی بندش کے باعث ضلع غربی اور کیماڑی کو پانی کی فراہمی عارضی طور پر معطل ہو گئی ہے ، کے الیکٹرک کی جانب سے پہلے ولیکا گرڈ اسٹیشن سے بجلی کی فراہمی معطل ہوئی ہے ۔
اسٹینڈ بائی انتظام کے تحت الممتاز فیڈر سے پمپنگ اسٹیشن کو بجلی فراہم کی گئی ، 10 بج کر 40 منٹ پر الممتاز فیڈر سے بھی بجلی کی فراہمی اچانک معطل ہوگئی،
بجلی کی مکمل معطلی کے بعد حب پمپنگ اسٹیشن کی پمپنگ سرگرمیاں مکمل طور پر بند ہو گئیں، کے الیکٹرک حکام کے مطابق فیڈر میں کیبل فالٹ کے باعث بجلی کی فراہمی متاثر ہوئی ہے ۔
بجلی کے کیبل فالٹ کے باعث ضلع غربی اور کیماڑی کے مختلف علاقوں میں پانی کی فراہمی عارضی طور پر معطل ہے، واٹر کارپوریشن حکام بجلی کی جلد بحالی کے لیے کے الیکٹرک انتظامیہ سے مسلسل رابطے میں ہیں ۔