کراچی : جامعہ کراچی کے سینٹر ICCBS میں حال ہی 6ویں بار تعینات ہونے والے سابق ڈائریکٹر اقبال چوہدری کو سندھ ہائی کورٹ نے ہٹا دیا ہے ۔
سابق ڈائریکٹر پروفیسر ڈاکٹر فرزانہ شاہین نے سندھ ہائی کورٹ سے رجوع کیا اور اس کے بعد سندھ ہائی کورٹ نے 13 مئی کو جاری ہونے والا نوٹف فکیشن معطل کر دیا ہے ۔
بدھ کو سندھ ہائی کورٹ نے جامعہ کراچی کی جانب سے 13مئی کو جاری ہونے والا متنازعہ نوٹی فکیشن معطل کر دیا ہے جس کے بعد پروفیسر ڈاکٹر اقبال چوہدری کی تعیناتی منسوخ کر دی ہے ۔
اس فیصلے کے بعد جامعہ کراچی کے ICCBS کے اساتذہ ‛ افسران ‛ ملازمن ‛ انجمن اساتذہ سمیت دیگر اساتذہ و ملازمین آڈیٹوریم میں جمع ہوئے اور بھر پور تالیوں میں ڈائریکٹر فرزانہ شاہین کا استقبال کیا اور اس عزم کا اظہار کیا کہ ہم ادارے میں قانون کی پاسداری کو یقینی بنائیں گے ۔
اس موقع پر انجمن اساتذہ جامعہ کراچی کے صدر ڈاکٹر شاہ عالی القدر اور ڈاکٹر ریاض احمد نے بھی تقریر کی ۔
