ہری پور : تھانہ سرائے صالح کی حدور میں واقع گاؤں گھمانواں کے علاقے کلالی سے گلفراز کی گائے چوری کرنے کی کوشش کی گئی ، جس کو علاقہ مکینوں نے ناکام بنا دیا گیا ۔ عید سے قبل بھی ملزمان نے اسی گھر سے گائے چوری کی تھی ۔
علاقہ مکیبنوں کی جانب سے گائے چوری کرنے والے تین افراد کو پکڑ کر تھانہ سرائے صالح پولیس کو بلا کر ان کے حوالے کر دیا ہے ۔ تاہم ایک بندہ موقع واردات سے بھاگنے میں کامیاب ہو گیا ہے ۔ مبینہ طور پر تینوں ملزمان کا تعلق ہری پور کے گاؤں پرواڑی سے بتایا جاتا ہے ۔
تھانہ سرائے صالح پولیس نے موقع پر پہنچ کر تینوں ملزمان فرحان ، واجد اور اعظم علی کو حراست میں لیکر تھانہ سرائے صالح منتقل کیا اور اس کے بعد ان پر تینوں ملزمان کے خلاف مقدمہ نمبر 374/2026 درج کر لیا گیا ہے ۔
مذکورہ ملزمان پر درج مقدمہ میں پاکستان پینل کوڈ (PPC) کی دفعہ 379 اور تعزیراتِ پاکستان (Pakistan Penal Code) کی دفعہ 34 (Section 34) شامل کی گئی ہیں ۔
معلوم رہے کہ سیکشن 34 ایسے کیس میں عائد کی جاتی ہے جہاں دو یا دو سے زیادہ افراد ایک ہی جرم کے مرتکب ہوئے ہوں اور سیکشن 379 چوری کے واقعہ پر عائد کی جاتی ہے جو قابلِ دست اندازی پولیس ہے ۔