حیدرآباد: جامشورو کے قریب ایم نائن موٹر وے پر منی ٹرک کو کار نے ٹکر مار دی جس کے نتیجے میں میں2خواتین سمیت3افراد جاں بحق جبکہ 6 افراد زخمی ہوگئے۔ ریسکیو ذرائع کے مطابق یہ حادثہ گزشتہ شب کو لونی کوٹ کے قریب پیش آیا جہاں کراچی سے حیدرآباد آنے والے ایک منی ٹرک کو پیچھے سے ایک کار نے ٹکر مادی جس کے باعث کار کے پیچھے سے آنے والی ایک اور کار ٹکرا گئی
جس کے نتیجے میں کار کا گیس سلینڈر پھٹنے سے2خواتین سمیت3افراد جلس کر جاں بحق اور 6 افراد زخمی ہوگئے۔ حادثے کے نتیجے میں موٹر وے پر ٹریفک کی روانی متاثر ہوئی جبکہ ریسکیو 1122 اور ایدھی کے رضاکاروں نے جائے وقوعہ پر پہنچ کر امدادی کارروائی کرتے ہوئے جاں بحق افراد کی نعشوں اور زخمیوں کو قریبی ہسپتال منتقل کرادیا ۔ موٹر وے پولیس نے جائے حادثہ کو کلئیر کرتے ہوئے ٹریفک کی روانی بحال کر دی۔
