اسلام آباد: پاکستان کے امین اشرف کو عالمی سائبر سیکورٹی انجمن ICS2 نے ان کی نمایاں خدمات کے اعتراف میں 2024 کے گلوبل اچیومنٹ ایوارڈ سے نوازا۔ امین اشرف، جو 25 سال سے اس فیلڈ میں خدمات انجام دے رہے ہیں، آئی ٹی این آئی ایس کنسلٹنگ کے سی ای او اور پرنسپل کنسلٹنٹ ہیں۔ انہوں نے سائبر سیکورٹی اور انفارمیشن ٹیکنالوجی میں اپنی مہارت اور عالمی سطح پر تسلیم شدہ اسناد کے باعث نمایاں مقام حاصل کیا ہے۔ ان کے کریڈٹ میں 300 سے زائد سیکورٹی آڈٹس اور 600 سے زیادہ پروفیشنلز کی تربیت شامل ہے۔
