ہری پور (فراز شاہ): ڈی پی او ہری پور فرحان خان کی ہدایت پر ہری پور پولیس کا جرائم پیشہ عناصر کے خلاف کاروائیوں کا سلسلہ بدستور جاری ہے۔ تھانہ سٹی پولیس نے کامیاب کاروائی کرتے ہوئے چوری کی وارداتوں میں ملوث 2 رکنی چور گروہ کو گرفتار کیا اور ان کے قبضے سے سرقہ شدہ سامان برآمد کر لیا۔
تھانہ سٹی کی حدود محلہ رمضانی اور دیگر علاقوں میں چوری کی وارداتیں رپورٹ ہو رہی تھیں۔ پولیس نے مدعی کی رپورٹ پر دفعہ 380.34 تعزیرات پاکستان کے تحت مقدمہ درج کیا۔ ایس ایچ او تھانہ سٹی اعجاز علی نے اپنی ٹیم کے ہمراہ کاروائی کرتے ہوئے ملزمان زین علی اور محمد عابد کو گرفتار کیا، جن سے بیٹریاں، دروازے، جنگلے اور دیگر چوری شدہ سامان برآمد کیا گیا۔ ملزمان سے مزید تفتیش جاری ہے۔
