جامعہ کراچی کے شعبہ پبلک ایڈمنسٹریشن کے زیر اہتمام اور جارج میسن یونیورسٹی امریکہ کے اشتراک اور امریکی حکومت کی معاونت سے دو روزہ قومی کانفرنس بعنوان: ”سسٹین ایبل کریکولم ڈیولپمنٹ“ کی افتتاحی تقریب 23 نومبر 2022 ء کو شام 4:00 بجے ایچ ای جے جامعہ کراچی کی سماعت گاہ میں منعقد ہوگی۔
جبکہ کانفرنس کے افتتاح سے قبل پائیدار نصاب کی ترقی کے سلسلے میں ملک بھر کی مختلف جامعات کے وائس چانسلر زکا اجلاس 23 نومبر کو صبح 10:00 بجے وائس چانسلر سیکریٹریٹ جامعہ کراچی میں منعقد ہوگا۔
مزید پڑھیں:وزیر دفاع خواجہ آصف سے منسوب بیان درست نہیں، مریم اورنگزیب
کانفرنس میں پائیدار ترقی سے وابستگی میں درپیش چیلنجز اور مواقعوں اور پاکستان میں ہائر ایجوکیشن کمیشن کے توقعات اور اعلیٰ تعلیمی اداروں کی ترجیحات کی ایک جائزہ رپورٹ بھی پیش کی جائے گی۔
کانفرنس سے جارج میسن یونیورسٹی امریکہ کے جیمزویٹی، نشیت سہائے، سابق چیئر مین ہائر ایجوکیشن کمیشن پاکستان پروفیسر ڈاکٹر عطاالرحمن، جامعہ کراچی کے وائس چانسلر پروفیسر ڈاکٹر خالد محمود عراقی و دیگر خطاب کریں گے۔
