امریکا : گلوبل ٹائمز میڈیا یورپ کے مطابق نیو یارک میں برفانی طوفان کی وجہ سے 5 فٹ تہہ جم گئی اور ایری کاؤنٹی میں راستوں سے برف ہٹانے کے دوران دو افراد ہلاک ہو گئے۔
غیر ملکی میڈیا کے مطابق نیویارک کے مغربی علاقوں کو برفانی طوفان کا سامنا کرنا پڑا جس کی وجہ سے نظام زندگی بھی شدید متاثر ہوئی۔برفانی طوفان کی وجہ سے ٹریفک متاثر ہوئی اور درخت گرنے کے واقعات سمیت املاک کو بھی نقصان پہنچا۔
مذید پڑھیں : پرائم منسٹرز یوتھ پروگرام اور HEC کے ٹیلنٹ ہنٹ یوتھ اسپورٹس لیگ کے سندھ میں ہاکی ٹرائل مکمل
میڈیا رپورٹس کے مطابق ایری کاؤنٹی میں راستے صاف کرنے کے دوران دو افراد دل کی تکلیف اٹھنے سے ہلاک ہو گئے۔
دوسری جانب امریکی محکمہ موسمیات کے مطابق جمعہ کے روز مشی گن سے نیویارک تک کی پانچ عظیم جھیلوں کی ریاستوں میں برف کی وجہ سے الرٹ جاری کیا گیا ہے اور عوام کو جھیل کا سفر کرنے سے گریز کرنے کی ہدایت کی گئی ہے۔
