کراچی : سیہون شریف کے قریب انڈس ہائی وے روڈ پر ٹول پلازہ کے قریب قلندر کے زائرین کے ساتھ خوفناک حادثہ پیش آیا ہے ۔
خیرپور سے سیہون شریف آنے والی مسافر وین انڈس ہائی وے روڈ کو لگائے گئے کٹ میں گر گئی، مسافر وین میں بچے اور خواتین سوار تھے، کٹ کے پانی سے 17 لاشیں نکال کر سید عبداللہ شاہ انسٹیٹیوٹ سیہون شریف منتقل کر دی ہیں ۔
جاںبحق افراد میں بچے اور خواتین بھی شامل ہیں ۔ حادثے میں 2 افراد زخمی ہوئے ہیں ۔ منچھر جھیل کے سیلابی پانی کو دریائے سندھ میں اخراج کرنے کیلئے 2 ماہ قبل انڈس ہائی وے روڈ کو کٹ لگایا گیا تھا ۔
نیشنل ہائی ویز اتھارٹی کی غفلت کے باعث دو ماہ سے کٹ بند نہیں ہوا جس کے باعث حادثہ پیش آیا ہے ۔
