کراچی : زاہد اعوان نے اقبال ڈے کے موقع پر اپنے خصوصی پیغام میں کہا کہ علامہ اقبالؒ کو برصغیر کے مسلمانوں کیلئے الگ وطن کا تصور پیش کرنے پر ہمیشہ یاد رکھا جائے گا۔
زاہد اعوان نے کہا کہ آج کے دن ہمیں علامہ اقبال کی تعلیمات کو یاد کرنے کیساتھ ساتھ یہ بھی سوچنا چاہیئے کہ انہوں نے جو ہمیں کامیابی کی راہ دکھائی اس پر ہم نے کتنا عمل کیا۔
زاہد اعوان کا کہنا تھا کہ علامہ اقبال نے مسلمانوں کی حقیقی شناخت کیلئے انہیں خواب غفلت سے بیدار کرنے کی کاوش کی۔ علامہ اقبال کے فرمودات سے ہمیں اسلام کا حقیقی پیغام سمجھنے میں مدد ملتی ہے۔ اجتماعی ترقی اور خوشحالی کے حصول کیلئے ایک فردمیں ”خودی” کو بیدار کیا۔
مذید پڑھیں : سویا بین سیڈ کی کمی سے پولٹری کی صنعت کو مشکلات کا سامنا
انہوں نے کہا کہ آج ہمیں کثیر الجہتی چیلنجز کا سامنا ہے۔علامہ اقبال کے پیغام اور فلسفے کو سمجھنے کی جتنی ضرورت آج ہے اس سے پہلے کبھی نہ تھی۔ آئیے علامہ اقبال کے خواب کو حقیقت میں بدلنے کے لئے ہم پہلے سے بھی زیادہ اور سخت محنت کریں۔
زاہد اعوان نے کہا کہ علامہ اقبال نے برصغیر کے مسلمانوں کو ایک ایسے وقت میں راستہ دکھایا جب وہ منزل کا نشان کھو چکے تھے۔ علامہ اقبال کے افکار اور سوچ نے امید کا ایسا چراغ روشن کیا جس نے نہ صرف منزل بلکہ راستے کی بھی نشاندہی کی، بلکہ ہمیں حقیقی آزادی دلائی، زاہداعوان کا مزید کہنا تھا کہ ملک اس وقت سیاسی بحران کا شکار ہے، ایسے میں سیاستدانوں کو ملک کے بہترین مفاد کی خاطر اپنے اختلافات کو بالائے طاق رکھنا ہو گا۔
