راولپنڈی : کوہسار نیوز کے مطابق ضلعی انتظامیہ نے راولپنڈی کے تمام نجی اور سرکاری تعلیمی اداروں میں دو روز کی تعطیل کا اعلان کر دیا ہے۔
پاکستان تحریک انصاف کی جانب سے راولپنڈی سمیت ملک بھر میں احتجاج کیا جا رہا ہے جب کہ عمران خان نے بدھ سے ایک بار پھر لانگ مارچ کا اعلان کر دیا۔
ڈپٹی کمشنر راولپنڈی کی جانب سے جاری نوٹیفکیشن کے مطابق ضلع کے تمام نجی و سرکاری تعلیمی ادارے موجودہ صورت حال کے باعث دو روز کیلئے بند رہیں گے ۔
مذید پڑھیں : اب NADRA بھی مقبوض ہے
اس حوالے سے راولپنڈی کمشنر ثافب منان کے حکم سے جاری نوثی فکیشن کے مطابق امن و امان کی فضا کو برقرار رکھنے کیلئے تمام تعلیمی اداروں کو 2 روز کیلئے بند کیا جا رہا ہے ۔جس کی وجہ سے تعطیلات 8 نومبر سے 9 نومبر تک ہونگی۔ نوٹفکیشن کا اطلاق تحصیل راولپنڈی میں آج رات سے ہو گا۔
وفاقی اردو یونیورسٹی کے وائس چانسلر ڈاکٹر ضیاء الدین کے مطابق اسلام آباد کیمپس میں شام کی کلاسز کو بھی غیر یقینی صورتحال کی وجہ سے معطل کر دیا گیا ہے اور شام کی کلاسز آن لائن کرنے کا بھی حکم جاری کر دیا گیا ہے ۔
