اسلام آباد ( حامد صدیق انجم ) ڈپٹی کمشنر اسلام آباد عرفان نواز میمن کی ہدایت پر دھواں چھوڑنے والی گاڑیوں اور فٹنس سرٹیفیکیٹ کے بغیر روڑ پر چلنے والی کمرشل گاڑیوں کے خلاف ایکسائز اینڈ ٹیکسیشن ڈیپارٹمنٹ اور اسلام آباد ٹرانسپورٹ اتھارٹی کا مشترکہ آپریشن کر دیا گیا .جس میں رنگین شیشوں اور فینسی نمبر پلیٹ والی گاڑیوں کے خلاف ایکشن جاری ہے۔
اے ای ٹی اوز نے ٹریفک پولیس کے ہمراہ مری روڈ، بہارا کہو ، فزیکل چیکنگ پوائنٹ E&T ڈیپارٹمنٹ اور ڈبل روڈ ، I-8 مرکز، پر گاڑیوں کو چیک کیا گیا ۔ آپریشن میں 110 گاڑیوں سے بغیر نمونہ اور فینسی نمبر پلیٹس اتار دی گئیں اور 75 کالے شیشوں والی گاڑیوں کے خلاف ایکشن لیا گیا ۔
8 تجارتی گاڑیاں دھواں چھوڑ رہی تھیں اور ان کے پاس فٹنس سرٹیفکیٹ نہیں تھا، اس لیے قانون کی متعلقہ دفعات کے تحت کاروائی اور فٹنس سرٹیفکیٹ حاصل کرنے کیلیے موٹر وہیکل ایگزامینز کو بھیجا گیا۔
کمرشل گاڑیاں خواہ کسی ادارے سے ہوں یا پرائیویٹ وہیکلز کے خلاف بلا تفریق کاروائیاں کی جا رہی ہیں ، ڈپٹی کمشنر اسلام آباد کا مزید کہنا ہے کمرشل گاڑیوں کیلئے فٹنس سرٹیفیکیٹ ضروری ہے ، اور فٹنس سرٹیفیکیٹ کے بغیر گاڑیوں کے خلاف کاروائی عمل میں لائی جائے گی ، دھواں چھوڑنے والی گاڑیاں ماحول کو آلودہ کرنے کے ساتھ ساتھ سانس کی بیماریوں کا موجب بنتی ہیں ،
