کراچی : ڈائریکٹر جنرل پرائیویٹ اسکول پروفیسر سلمان رضا نے ایک آفس آرڈر جاری کیا ہے جس میں انہوں نے تمام نجی اسکولوں کے پرنسپلز ، ایڈمنسٹریٹرز کو ہدایات دی ہیں کہ الیکشن کمیشن کے عملے کے ساتھ مکمل تعاون کریں ۔
الرٹ نیوز کو موصول ہونے والے آفس آرڈر کے مطابق تمام پرائیویٹ اسکول اور انسٹیٹیوٹس کے پرنسپلز ، ایڈمنسٹریٹرز کو ہدایت دی جاتی ہے کہ وہ الیکشن کمیشن کے ضلعی ریٹرننگ آفیسر ، اسسٹنٹ ریٹرننگ آفیسر اور ان کے عملے کے ساتھ مکمل تعاون کریں ۔
اسسٹنٹ کمشنر یا ریٹرننگ افسر کو اسکول میں جو بھی سہولت درکار ہو وہ فراہم کی جائے تاکہ الیکشن کے معاملے کو کوئی کوہتائی نہ ہو ۔
مذید پڑھیں : اَن پڑھ سرکاری سکول ٹیچر ارب پتی کیسے بن گئی ؟
اس کو لازمی بنائیں کہ اسکول میں پانی کے ٹینک ، بجلی ، بائونڈری ، غسل خانے ، وہیل چیئر کے لئے ریمپ پیڈ سمیت دیگر سہولیات موجود ہوں ۔ اور اگر کسی بھی قسم کی کوہتائی پائی گئی تو اس صورت میں کارروائی کی جائے گی ۔
