پاکستان تحریک انصاف (پی ٹی آئی) آج لاہور میں جلسہ کرے گی۔ جلسے کیلئے تیاریاں مکمل ،نیشنل ہاکی اسٹیڈیم میں میدان سج گیا۔
چیئرمین تحریک انصاف عمران خان جلسے کے لئے لاہور پہنچ چکے ہیں۔ انہوں نے انتظامات دیکھنے کے لیے ہاکی اسٹیڈیم کا دورہ بھی کیا۔
نیشنل ہاکی اسٹیڈیم جلسے کے انتظامات کو حتمی شکل دیدی گئی۔ جلسہ گاہ میں سٹیج بنا دیا گیا۔ساؤنڈ سسٹم بھی لگا دیا گیا۔ سیڑھیوں پر بیٹھنے کی گنجائش 45 ہزار ہے۔ گراؤنڈ میں بھی بیٹھنے کے لیے کرسیاں لگا دی گئی ہیں۔
مجموعی طور پر ایک لاکھ سے زائد افراد کا انتظام کیا گیا ہے۔ ٹینس کمپلیکس کے ساتھ 20 بیڈز پر مشتمل ایک ایمرجنسی ہسپتال بھی قائم کیا گیا ہے۔ پارکنگ لبرٹی گول چکر اور بوائز ہائی اسکول گلبرگ کے پاس کی جائیگی۔
جلسہ گاہ میں داخلے کے لیے مختلف راستے بنائے گئے ہیں۔ خواتین ، فیملیز کے بیٹھنے اور داخلہ الگ دروازے سے ہوگا۔ مرد حضرات اور جنرل پبلک الگ راستے سے جلسہ گاہ داخل ہوں گے۔ جلسہ گاہ کے اندر عوام کو براہِ راست جلسہ دکھانے کے لیے بڑی سکرینز بھی نصب کر دی گئی ہیں۔
