کراچی سمیت سندھ بھر میں موٹر سائیکل کی ڈبل سواری پر پابندی عائد

کراچی: سندھ بھر میں محرم الحرام میں امن و امان کے پیش نظر موٹرسائیکل کی ڈبل سواری پر پابندی عائد کر دی گئی۔

حکومت سندھ کی جانب سے جاری اعلامیے میں بتایا گیا ہے کہ سندھ میں دفعہ 144 کے تحت6 محرم الحرام سے 12 محرم الحرام تک موٹر سائیکل کی ڈبل سواری پر پابندی ہو گی جس کا اطلاق آج رات 12 بجے سے ہو گا۔

مزید پڑھیں:دنیا میں مہنگائی کم ہوگئی لیکن حکومت کو عوام کے مسائل میں کوئی دلچسپی نہیں، شیخ رشید

محرم کے جلوس کے باعث کل رات نیشنل ہائی وے قائد آباد سے ملیر ہالٹ تک بند رہے گا اعلامیے کے مطابق خواتین، 12 سال کی عمر تک کے بچے، معذور افراد، بزرگ، صحافی اور سکیورٹی اداروں کے اہلکار موٹر سائیکل کی ڈبل سواری سے مستثنیٰ ہوں گے۔

حکومت سندھ کی جانب سے بتایا گیا ہے کہ موٹر سائیکل کی ڈبل سواری پر پابندی کا اطلاق آج سے ہو گا اور پابندی 10 اگست تک برقرار رہے گی۔

Comments: 0

Your email address will not be published. Required fields are marked with *