وائٹ ہاؤس کے قریب آسمانی بجلی گرنے سے 4 افراد زخمی

مون سون

واشنگٹن: تفصیلات کے مطابق امریکی حکام کا کہنا ہے کہ وائٹ ہاؤس کے قریب بجلی گرنے سے چار افراد کی حالت کی تشویش ناک ہے۔

فرانسیسی خبر رساں ادارے اے ایف پی کے مطابق واقعہ جمعرات کو وائٹ ہاؤس کے ایک قریبی پارک میں پیش آیا، زخمیوں میں 2 مرد اور 2 خواتین شامل ہیں جنھیں مقامی اسپتال منتقل کیا گیا ہے۔

مزید پڑھیں:کراچی ، نماز جمعہ کے بعد ایک شخص نے اپنا گلا کاٹ لیا

سوشل میڈیا پر شیئر ویڈیوز میں دیکھا جا سکتا ہے کہ جائے وقوعہ پر متعدد ایمبولینسیں اور فائر بریگیڈ کی ایک گاڑی موجود تھی، جمعرات کی شام کو واشنگٹن میں گرج چمک کے ساتھ شدید طوفانی بارشیں بھی ہوئیں۔

واشنگٹن کے فائر اینڈ ایمرجنسی ڈیپارٹمنٹ کے ترجمان ویتو میگیئلو نے بتایا کہ وائٹ ہاؤس کے سیکرٹ سروس کے افسران اور پارک پولیس کے اہل کاروں نے زخمیوں کو طبی امداد کی فراہمی کے لیے ایمرجنسی سروس سے رابطہ کیا تھا۔

مزید پڑھیں:سجل علی جلد ہی سیریز میں فاطمہ جناح کے کردار میں نظر آئیں گی

انھوں نے کہا کہ یہ واضح نہیں کہ آیا یہ چاروں افراد ایک دوسرے کو جانتے تھے یا نہیں، ان کا مزید کہنا تھا کہ جب آسمانی بجلی گری تو یہ چار افراد ایک درخت کے قریب کھڑے تھے۔

ترجمان نے کہا کہ جب بادل اور آسمانی بجلی گرج رہے ہوں تو بہتر یہی ہوتا ہے کہ درختوں سے دور رہیں اور گھر کے اندر رہیں، اور یہی اصول ہے۔

Comments: 0

Your email address will not be published. Required fields are marked with *