کور کمانڈر کو اوتھل سے کراچی لانے والا ہیلی کاپٹر لاپتہ، تلاش جاری
بلوچستان میں سیلابی صورتحال کے بعد امدادی کارروائیوں کا جائزہ لینے کے لیے جانے والا ہیلی کاپٹر کراچی واپس آتے ہوئے لاپتہ ہوگیا۔
آئی ایس پی آر کے بیان کے مطابق اوتھل سے کراچی جاتے ہوئے آرمی ایوی ایشن کا ہیلی کاپٹر لاپتہ ہوگیا جس میں کور کمانڈر 12 کور لیفٹیننٹ جنرل سرفراز علی بھی سوار ہیں۔
آئی ایس پی آر کے مطابق کور کمانڈر ہیلی کاپٹر سے فلڈ ریلیف آپریشن کا معائنہ کررہے تھے۔
پاک فوج کے شعبہ تعلقات عامہ کا کہنا ہے کہ ہیلی کاپٹر کی تلاش کا آپریشن جاری ہے، ہیلی کاپٹر میں کور کمانڈر 12 کور سمیت 6 افراد سوار تھے۔
آئی ایس پی آر نے بتایا کہ ہیلی کاپٹر کا ایئر ٹریفک کنٹرول سے رابطہ منقطع ہوگیا ہے۔
A Pakistan army aviation helicopter which was on flood relief operations in Lasbela, Balochistan lost contact with ATC. 6 individuals were on board including Commander 12 Corps who was supervising flood relief operations in Balochistan. Search operation is underway.DTF
— DG ISPR (@OfficialDGISPR) August 1, 2022
