اداکار منیب بٹ کا ڈپٹی اسپیکر کی گرفتاری کا مطالبہ

اداکار منیب بٹ نے پنجاب اسمبلی کے ڈپٹی اسپیکر دوست مزاری کی گرفتاری کا مطالبہ کردیا۔

گزشتہ روز چیف جسٹس پاکستان جسٹس عمر عطا بندیال نے مختصر فیصلہ سناتے ہوئے ڈپٹی اسپیکر کی رولنگ کو کالعدم قرار دیا۔

عدالت نے اپنے فیصلے میں پرویز الٰہی کو وزیراعلیٰ پنجاب قرار دیا اور حمزہ شہباز کو فوری عہدہ چھوڑنے کا حکم دیا۔

Deputy speaker Mr Mazari should be arrested now for breaking constitution !

— Muneeb Butt (@muneeb_butt9) July 26, 2022

اس سارے معاملے پر اداکار منیب بٹ نے بھی رد عمل کا اظہار کیا اور ٹوئٹر پر جاری بیان میں کہا کہ ‘آئین شکنی کرنے پر ڈپٹی اسپیکر دوست مزاری کو گرفتار کرنا چاہیے’۔
منیب بٹ نے خوشی کا اظہار کرتے ہوئے عمران خان کے لیے کہا کہ ‘ایک کھلاڑی پوری پی ڈی ایم پر بھاری’۔

اس کے علاوہ منیب بٹ نے سابق وزیر اعلیٰ پنجاب حمزہ شہباز کو بھی ٹرول کیا، انہوں نے لکھا کہ ‘اچکن سیل پر دستیاب ہے، اسے کچھ دیر کے لیے استعمال کیا گیا ہے’۔