’اکثریت جیت گئی‘، عفت عمر کا پی ٹی آئی کی جیت پر بیان

اداکارہ و میزبان عفت عمر نے پنجاب کے ضمنی انتخابات میں پی ٹی آئی کی جیت کو سراہا ہے۔

عفت عمر اکثر اپنے سوشل میڈیا اکاؤنٹس پر عمران خان کو سخت تنقید کا نشانہ بناتی دکھائی دیتی تھیں تاہم اب انہوں نے پنجاب میں پی ٹی آئی کی جیت کے بعد جماعت کی کامیابی کو سراہا ہے۔

ٹوئٹر پر جاری مختصر بیان میں عفت عمر نے لکھا کہ’عوامی رائے کی بات ہے اور اگر اکثریت پاکستان تحریکِ انصاف کے ساتھ ہے تو ہے، اکثریت جیت گئی‘۔

خیال رہے کہ پنجاب کے 20 حلقوں میں ضمنی انتخابات کے غیر حتمی و غیر سرکاری نتائج کے مطابق پاکستان تحریکِ انصاف (پی ٹی آئی) نے 15 نشستوں پر کامیابی حاصل کر لی ہے۔

ان انتخابات میں مسلم لیگ (ن) 4 نشستوں کے ساتھ دوسرے نمبر پر رہی جبکہ 1 نشست پر آزاد امیدوار کامیاب ہوا ہے۔

 

Comments: 0

Your email address will not be published. Required fields are marked with *