مالم جبہ اسکینڈل پر انکوائری دوبارہ شروع کرنے کے احکامات جاری

پبلک اکائونٹس کمیٹی نے مالم جبہ اسکینڈل پر انکوائری دوبارہ شروع کرنے کے احکامات جاری کردئیے

پبلک اکاؤنٹس کمیٹی کا اجلاس چیئرمین نور عالم خان کی سربراہی میں ہوا جس میں سابق چئیرمین نیب جسٹس (ر) جاوید اقبال کے خلاف درخواست جمع کروانے والی خاتون طیبہ گل پی اے سی میں پیش ہوئیں۔

چئیرمین پی اے سی نے درخواست گزار خاتون طیبہ گل سے سوال کیا کہ کیا آپ نے سابق چئیرمین نیب کے خلاف درخواست دی جس پر انہوں نے جواب دیا کہ جی میں نے سابق چئیرمین کے خلاف درخواست دائر کی کیوں کہ مجھے کوئی کال اپ نوٹس نہیں ملا اور میرے خلاف کوئی انکوائری نہیں ہوئی۔،

چیئرمین نے پوچھا کہ اپ کو کس نے گرفتار کیا، جس پر انہوں نے جواب دیا کہ مجھے نیب حکام نے گرفتار کیا، گرفتاری سے قبل چئیرمین نیب سے دو روز قبل میری فون پر جھڑپ ہوئی تھی۔

نور عالم خان نے طیبہ گل سے پوچھا کہ آپ کے چئیرمین نیب کے ساتھ تعلقات کیسے بنے کہ وہ اپ سے ڈائریکٹ رابطہ میں تھے؟ انہوں نے کہا کہ میری چئیرمین نیب سے لاپتہ افراد کمیشن کے دوران ملاقات ہوئی تھی۔
بعد ازاں پبلک اکاؤنٹس کمیٹی نے بی آر ٹی میں مبینہ کرپشن پر تین ماہ میں رپورٹ طلب کرتے ہوئے کہا کہ نیب تین ماہ میں رپورٹ جمع کرائے، قومی خزانے کو لوٹنے والوں کو انجام تک پہنچانا ہے۔

چئیرمین کمیٹی نے مالم جبہ میں کرپشن کیسز کی تحقیقاتی رپورٹ بھی طلب کرتے ہوئے کہا کہ بینک آف خیبرپختونخواہ میں اربوں روپے کی کرپشن ہوئی۔ جس پر چیئرمین نیب نے جواب دیا کہ بلین ٹری کی رپورٹ جمع کرا دی ہے تحقیقات چل رہی ہیں۔

چیئرمین پی اے سی نورعالم خان نے پوچھا کہ آپ بطور قائمقام چیئرمین نیب بتائیں مالم جبہ کیس بی آرٹی بلیٹن ٹری منصوبہ اور بینک آف خیبر کے خلاف کیا ہوا ، اتنے بڑے مقدمات پر ریفرنس کیوں فائل نہیں ہوئے۔

قائمقام چیئرمین نیب ظاہر شاہ نے کہا کہ کچھ مقدمات پر سپریم کورٹ نے حکم امتناعی دیا ہوا ہے۔ جس پر نور عالم خان نے کہا کہ مالم جبہ کیس ری اوپن کریں ، بلٹن منصوبہ کے تو درخت جلنا شروع ہوگئے ہیں اس پر بھی تیزی سے تحقیقات کریں۔

قائمقام چیئرمین نیب نے جواب دیا کہ چھ ماہ کے اندر قانون کے مطابق تحقیقات کرسکتے ہیں۔ چیئرمین نے کہا کہ تین ماہ تک تحقیقات کریں اور مالم جبہ پر ایک ماہ میں ریفرنس فائل کریں ، چاروں بڑے مقدمات پر تحقیقات تیز کریں۔

Comments: 0

Your email address will not be published. Required fields are marked with *