شاہین آفریدی کا 3سال قبل قائم کیا گیا ریکارڈ جو ان سے قبل کوئی پاکستانی نہ کرسکا
قومی کرکٹ ٹیم کے سپر اسٹار فاسٹ بولر شاہین شاہ آفریدی نے آج کے دن 3 سال قبل ایک ایسا کارنامہ سر انجام دیا جو ان سے پہلے کوئی پاکستانی نہ کرسکا تھا۔
3 سال قبل آج کے دن یعنی 5 جولائی 2019 کو شاہین شاہ آفریدی آئی سی سی ورلڈ کپ میچ میں 6 وکٹیں لینے والے پہلے پاکستانی بولر بنے تھے۔
💥 Youngest bowler to take a five-wicket haul in a World Cup game
🥇 Best bowling figures for a 🇵🇰 bowler (6️⃣-3️⃣5️⃣) in @cricketworldcup history#OnThisDay in 2019, @iShaheenAfridi made history against Bangladesh at @HomeOfCricket 🙌pic.twitter.com/ey2qnzW3Zu— Pakistan Cricket (@TheRealPCB) July 5, 2022
ان کے اس عظیم اعزاز کی یادیں پاکستان کرکٹ بورڈ (پی سی بی) نے اپنے سوشل میڈیا اکاؤنٹ پر شیئر کی ہیں۔
شاہین شاہ آفریدی نے بنگلا دیش کے خلاف گروپ میچ میں 35 رنز کے عوض کے 6 وکٹیں حاصل کیں جو کسی پاکستانی بولر کا ورلڈ کپ میں بہترین بولنگ فیگر ہے۔
اس سے قبل ورلڈ کپ میں بہترین بولنگ فیگر ان کے ہونے والے سُسر شاہد آفریدی کا تھا جنہوں نے 2011 کے ورلڈ کپ میں کینیا کے خلاف 16 رنز کے عوض 5 وکٹیں حاصل کی تھیں۔
شاہین شاہ آفریدی نے بنگلا دیش کے خلاف ہی میچ میں ایک اور اعزاز بھی اپنے نام کیا۔
وہ ورلڈ کپ کی تاریخ میں 5 وکٹیں لینے والے سب سے کم عمر بولر بن گئے ۔